LIVE TV
യുഎഇയിൽ 450 ദിർഹം പിന്നിട്ട് കുതിച്ചുയർന്ന സ്വർണവിലയിൽ ഇന്ന് കുറവ് രേഖപ്പെടുത്തി. ഉപഭോക്തക്കൾക്ക് ആശ്വാസമേകി രണ്ട് ദിർഹത്തിലധികം കുറവാണ് ഇന്ന് സ്വർണ വിലയിൽ രേഖപ്പെടുത്തിയത്. 24 കാരറ്റ് സ്വർണം ഒരു ഗ്രാമിന് ഇന്ന് 452 ദിർഹവും 85 ഫിൽസുമാണ് വില. ഇന്നലത്തെ വിലയെക്കാൾ രണ്ട് ദിർഹത്തിന്റെയും 24 ഫിൽസിന്റെയും കുറവാണ് ഒരു ഗ്രാം 24 കാരറ്റ് സ്വർണത്തിന് ഇന്ന് രേഖപ്പെടുത്തിയത്.
ഒരു ഗ്രാം 22 കാരറ്റ് സ്വർണത്തിന്റെ വിലയിലും കുറവാണുണ്ടായത്. രണ്ട് ദിർഹത്തിന്റെയും 06 ഫിൽസിന്റെയും കുറവാണ് 22 കാരറ്റ് സ്വർണത്തിന്റെ വിലയിൽ ഉണ്ടായത്. ഇന്ന് 415 ദിർഹവും 11 ഫിൽസുമാണ് ഈ വിഭാഗം സ്വർണത്തിന്റെ വില. ഒരു ഗ്രാം 21 കാരറ്റ് സ്വർണത്തിന്റെ വിലയിലും കുറവ് രേഖപ്പെടുത്തി. ഇന്നലെത്തെ വിലയേക്കാൾ ഒരു ദിർഹത്തിന്റെയും 96 ഫിൽസിന്റെയും കുറവാണ് 21 കാരറ്റ് സ്വർണത്തിനുണ്ടായത്. 396 ദിർഹവും 24 ഫിൽസുമാണ് 21 കാരറ്റ് സ്വർണത്തിന്റെ ഇന്നത്തെ വില.
ഒരു ഗ്രാം 18 കാരറ്റ് സ്വർണത്തിലും സമാന സ്ഥിതിയാണുള്ളത്. ഏകദേശം ഒരു ദിർഹത്തിന്റെയും 68 ഫിൽസിന്റെയും കുറവാണ് 18 കാരറ്റ് സ്വർണത്തിന്റെ വിലയിലുണ്ടായത്. 339 ദിർഹവും 64 ഫിൽസുമാണ് ഒരു ഗ്രാം 18 കാരറ്റ് സ്വർണത്തിന്റെ ഇന്നത്തെ വില.
Content Highlights: Relief in gold prices; Price in UAE drops by at least two dirhams today
