ദമാമിൽ ട്രിപയുടെ നേതൃത്വത്തിൽ സ്പോർട്സ് മീറ്റും കുടുംബസംഗമവും സംഘടിപ്പിച്ചു

കുട്ടികൾക്കും മുതിർന്നവർക്കുമായി വിവിധ കായിക മത്സരങ്ങളും മറ്റ് ആഘോഷപരിപാടികളും നടന്നു. ട്രിപ സ്ഥാപകാംഗം ഹാജ അഹമ്മദ് പരിപാടി ഉദ്ഘാടനം ചെയ്തു

ദമാമിൽ ട്രിപയുടെ നേതൃത്വത്തിൽ സ്പോർട്സ് മീറ്റും കുടുംബസംഗമവും സംഘടിപ്പിച്ചു
TRIPA DAMMAM
dot image

ശിശുദിനത്തോടനുബന്ധിച്ച് തിരുവനന്തപുരം പ്രവാസി അസോസിയേഷന്റെ (TRIPA) നേതൃത്വത്തിൽ ദമാമിൽ ഏകദിന സ്പോർട്സ് മീറ്റും കുടുംബസംഗമവും സംഘടിപ്പിച്ചു. കുട്ടികൾക്കും മുതിർന്നവർക്കുമായി വിവിധ കായിക മത്സരങ്ങളും മറ്റ് ആഘോഷപരിപാടികളും നടന്നു. ട്രിപ സ്ഥാപകാംഗം ഹാജ അഹമ്മദ് പരിപാടി ഉദ്ഘാടനം ചെയ്തു. പ്രസിഡന്റ് രഞ്ജു രാജ് അധ്യക്ഷത വഹിച്ചു. ജനറൽ സെക്രട്ടറി അശോക് കുമാർ സ്വാഗതവും ട്രഷറർ ഷിയാസ് നന്ദിയും പറഞ്ഞു. കൾച്ചറൽ കൺവീനർ മണ്ണറ സുരേഷ്, വനിതാ വിംഗ് പ്രസിഡന്റ് സജ്നി താജ്, സെക്രട്ടറി റൂണ ഷിയാസ് എന്നിവർ ആശംസകൾ നേർന്നു.

കൺവീനർമാരായ അരുൺ കുമാർ ഹരീഷ്, സന്തോഷ് ഷാജഹാൻ എന്നിവർ ശിശുദിനാഘോഷ പരിപാടികൾക്ക് നേതൃത്വം നൽകി. കായിക മത്സരങ്ങളുടെ നടത്തിപ്പ് അരുൺ രവീന്ദ്രൻ, രാജി അശോക്, ഷിനു നാസർ, ദേവി രഞ്ജു, രാജേഷ് സി.വി., ഷാജഹാൻ, മിനി നഹാസ് എന്നിവർ മേൽനോട്ടം വഹിച്ചു. രാജി അരുൺ, സജിനി വഹാബ്, അബ്ദുൽ വഹാബ്, അബ്ദുൽ സലാം, നിസാം യൂസുഫ്, ഹസ്‌കർ, വിഷ്ണു, നഹാസ്, ഷമീം കാട്ടാക്കട, ഗുലാം ഫൈസൽ തുടങ്ങി നിരവധി ട്രിപ അംഗങ്ങളും കുട്ടികളും പങ്കെടുത്തു.

കായിക മത്സരങ്ങളിലെ വിജയികൾക്കും കുട്ടികൾക്കായി ട്രിപ സംഘടിപ്പിച്ച 'എന്റെ അവധിക്കാലം' എന്ന വിഷയത്തിലുള്ള റീൽസ് ചലഞ്ചിൽ പങ്കെടുത്തവർക്കും സമ്മാനങ്ങൾ വിതരണം ചെയ്തു. എക്സിക്യൂട്ടീവ് അംഗങ്ങളും ജനറൽ മെമ്പർമാരും ചേർന്നാണ് സമ്മാനങ്ങൾ കൈമാറിയത്. ട്രിപ കുടുംബാംഗങ്ങളുടെ ആവേശകരമായ പങ്കാളിത്തവും കൂട്ടായ സഹകരണവും പരിപാടികൾക്ക് കൂടുതൽ മിഴിവേകി.

Content Highlights: Tripta organised a sports meet and family gathering in Dammam, bringing members and their families together for community activities.

dot image
To advertise here,contact us
dot image