LIVE TV
പ്രവാസികള്ക്ക് ആശ്വാസമായി ഇന്ത്യയുള്പ്പെടെയുള്ള വിവിധ റൂട്ടുകളില് ബാഗേജ് അനുകൂല്യങ്ങള് വര്ദ്ധിപ്പിച്ച് ഒമാന് എയര്. പുതിയ ഉത്തരവ് പ്രകാരം ഏറ്റവും കുറഞ്ഞ നിരക്കായ സൂപ്പര് സേവര് ടിക്കറ്റ് എടുക്കുന്നവര്ക്കും ഇനി മുതല് 20 കിലോ ചെക്ക്-ഇന് ബാഗേജ് അനുവദിക്കും. നേരത്തെ ഈ വിഭാഗത്തില് ക്യാബിന് ബാഗേജ് മാത്രമായിരുന്നു അനുവദിച്ചിരുന്നത്. യാത്രക്കാര്ക്ക് കൂടുതല് സൗകര്യപ്രദമായ രീതിയില് ഇക്കണോമി ക്ലാസിലെ മറ്റ് നിരക്കുകളും പുനക്രമീകരിച്ചു. കംഫര്ട്ട് വിഭാഗത്തില് 30 കിലോയും ഫ്ളെക്സ് വിഭാഗത്തില് 40 കിലോയും ബാഗേജ് അനുവദിക്കും.
ബാഗേജ് ഇളവുകള്ക്ക് പുറമെ, യാത്രക്കാര്ക്ക് സേവനങ്ങള് തെരഞ്ഞെടുക്കാനുള്ള കൂടുതല് അവസരങ്ങളും വിമാനക്കമ്പനി പ്രഖ്യാപിച്ചു. ഇതിന്റെ ഭാഗമായി യാത്ര റദ്ദാക്കേണ്ടി വന്നാല് തുക തിരികെ ലഭിക്കുന്ന സംവിധാനം സൂപ്പര് സേവര് നിരക്കുകളിലും ലഭ്യമാക്കി. യാത്രക്കാരുടെ ദീര്ഘകാലമായുള്ള ആവശ്യം പരിഗണിച്ചാണ് ഇളവുകള് പ്രഖ്യാപിച്ചതെന്ന് ഒമാന് എയര് വ്യക്തമാക്കി.
Content Highlights: Oman Air increases baggage allowance for passengers including India routes, offering major relief for expatriates and frequent travelers.
