LIVE TV
ഈദ് അൽ ഫിത്തറിന് മുമ്പ് മാർച്ചിലെ ശമ്പളം നേരത്തെ നൽകണമെന്ന് ഒമാൻ തൊഴിൽ മന്ത്രാലയം സ്വകാര്യ മേഖലയോട് ആവശ്യപ്പെട്ടു. മാർച്ച് 18-നകം തൊഴിലാളികൾക്ക് വേതനം ലഭിക്കുന്നുണ്ടെന്ന് ഉറപ്പാക്കാണമെന്നും മന്ത്രാലയം. വരാനിരിക്കുന്ന ഈദ് അൽ ഫിത്തർ അവധിക്ക് മുമ്പ് 2026 മാർച്ചിലെ തൊഴിലാളികളുടെ വേതനം വേഗത്തിൽ വിതരണം ചെയ്യണമെന്ന് ഒമാനിലെ തൊഴിൽ മന്ത്രാലയം സ്വകാര്യ മേഖലയിലെ സ്ഥാപനങ്ങളോട് ആവശ്യപ്പെട്ടു.
മാർച്ച് 8- ന് പുറത്തിറക്കിയ സർക്കുലറിൽ, റോയൽ ഡിക്രി നമ്പർ 53/2023 പ്രകാരം തൊഴിൽ നിയമത്തിന് വിധേയമായി എല്ലാ സ്വകാര്യമേഖല കമ്പനികളോടും മാർച്ച് മാസത്തെ ശമ്പളം പതിവിലും നേരത്തെ നൽകുന്നുണ്ടെന്ന് ഉറപ്പാക്കാൻ മന്ത്രാലയം ആവശ്യപ്പെട്ടു, അതുവഴി ജീവനക്കാർക്ക് ഈദ് ആഘോഷങ്ങൾക്ക് തയ്യാറെടുക്കാൻ കഴിയും.
സർക്കുലർ അനുസരിച്ച്, തൊഴിലുടമകൾ 2026 മാർച്ച് 18 ബുധനാഴ്ചയ്ക്ക് മുമ്പ് തൊഴിലാളികളുടെ വേതനം പൂർത്തിയാക്കണം. ഈദ് അൽ-ഫിത്തർ അവധിക്കാലത്ത് തൊഴിലാളികൾക്കും അവരുടെ കുടുംബങ്ങൾക്കും ശമ്പളം കൃത്യസമയത്ത് ലഭിക്കുന്നുണ്ടെന്ന് ഉറപ്പാക്കുന്നതിനും ഉത്സവകാലത്ത് അവരെ പിന്തുണയ്ക്കുന്നതിനുമാണ് ഈ നിർദ്ദേശം ലക്ഷ്യമിടുന്നതെന്ന് മന്ത്രാലയം അറിയിച്ചു.
സുൽത്താനേറ്റിലുടനീളമുള്ള സ്വകാര്യമേഖല സ്ഥാപനങ്ങൾ ഈ നിർദ്ദേശങ്ങൾ പാലിക്കാനും അംഗീകൃത പേയ്മെന്റ് സംവിധാനങ്ങൾ വഴി സമയബന്ധിതമായ വേതന കൈമാറ്റം സാധ്യമാക്കാനും നിർദ്ദേശിച്ചിട്ടുണ്ട്.
Content Highlights: Oman’s Labour Ministry has urged private sector companies to ensure employees receive their salaries before Eid al-Fitr, aiming to support workers during the festive season.
