Get the latest news at
your fingertips!
Download our app now
LIVE TV
Search
2025 നവംബർ 23 മുതൽ 29 വരെയുള്ള കാലയളവിൽ ലേബർ മാർക്കറ്റ് റെഗുലേറ്ററി അതോററ്ററി 1,817 കാമ്പെയ്നുകളും പരിശോധനാ സന്ദർശനങ്ങളും നടത്തി. ഇതിന്റെ ഫലമായി താമസ രേഖകൾ ഇല്ലാത്ത 50 വിദേശ തൊഴിലാളികളെ അറസ്റ്റ് ചെയ്തു. മുമ്പ് പിടികൂടിയ 83 പേരെ നാട് കടത്തിയതായും എൽഎംആർഎ വ്യക്തമാക്കി. കാമ്പെയ്നുകളുടെയും പരിശോധനാ സന്ദർശനങ്ങളുടെയും ഫലമായി നിരവധി സംഘടിത നിയമങ്ങളുടെ വ്യവസ്ഥകളുമായി ബന്ധപ്പെട്ട നിരവധി ലംഘനങ്ങൾ കണ്ടെത്തി. ബഹ്റൈൻ രാജ്യത്തിലെ ലേബർ മാർക്കറ്റ് റെഗുലേറ്ററി അതോറിറ്റി ആക്റ്റ്, റെസിഡൻസ് നിയമം എന്നിവയിലെ വ്യവസ്ഥകൾ ലംഘിച്ചതിന് പിടി കൂടിയവർക്കെതിരെ നടപടി സ്വീകരിച്ചു.
എല്ലാ ഗവർണറേറ്റുകളിലെയും വിവിധ ബിസിനസുകളിൽ 1,780 പരിശോധനാ സന്ദർശനങ്ങൾ നടത്തിയതായും മനാമയിൽ 17 കാമ്പെയ്നുകൾ, ഗവർണറേറ്റിൽ നാല് കാമ്പെയ്നുകൾ, വടക്കൻ ഗവർണറേറ്റിൽ ഏഴ് കാമ്പെയ്നുകൾ, സതേൺ ഗവർണറേറ്റിൽ ഒമ്പത് കാമ്പെയ്നുകൾ എന്നിവയുൾപ്പെടെ 37 സംയുക്ത പരിശോധനാ കാമ്പെയ്നുകൾ നടത്തിയതായും എൽഎംആർഎ വ്യക്തമാക്കി.
ആഭ്യന്തര മന്ത്രാലയത്തിന്റെ പങ്കാളിത്തത്തോടെയാണ് പരിശോധനക്ക് നേതൃത്വം നൽകിയത്. പാസ്പോര്ട്ട് താമസ വകുപ്പ്, വിവിധ പ്രവിശ്യകളിലെ സുരക്ഷാ വകുപ്പുകൾ, ഇൻവെസ്റ്റിഗേറ്റർമാരുടെയും ക്രിമിനൽ തെളിവുകളുടെയും ജനറൽ അഡ്മിനിസ്ട്രേഷൻ, ബദൽ വിധിന്യായങ്ങളുടെയും പിഴകളുടെയും നടത്തിപ്പ്, വ്യവസായ വാണിജ്യ മന്ത്രാലയം, മുനിസിപ്പൽ കാര്യ, കൃഷി മന്ത്രാലയം, ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റി, ജനറൽ സോഷ്യൽ സെക്യൂരിറ്റി അതോറിറ്റി എന്നി മന്ത്രാലയങ്ങളും പരിശോധനയിൽ പങ്കെടുത്തു.
അനധികൃത തൊഴിലാളി പ്രവർത്തനങ്ങൾ സംബന്ധിച്ച് എന്തെങ്കിലും വിവരങ്ങൾ ലഭിക്കുന്നവർ, എൽഎംആർഎ വെബ്സൈറ്റിലെ ഇലക്ട്രോണിക് ഫോം വഴിയോ, 17506055 എന്ന കോൾ സെന്റർ നമ്പറിൽ വിളിച്ചോ അല്ലെങ്കിൽ തവാസുൽ എന്ന ഗവൺമെന്റ് നിർദേശങ്ങളും പരാതികളും സമർപ്പിക്കാനുള്ള സംവിധാനം വഴിയോ അറിയിക്കണമെന്നും ലേബർ മാർക്കറ്റ് റെഗുലേറ്ററി അതോറിറ്റി പൊതുജങ്ങൾക്കു നിർദേശം നൽകി.
Content Highlights: 83 expatriates deported in latest LMRA crackdown
