LIVE TV
സിനിമകളുടെ രണ്ടാം ഭാഗങ്ങളെക്കുറിച്ചുള്ള അഭ്യൂഹങ്ങൾക്ക് വ്യക്തമായ മറുപടിയുമായി സംവിധായകൻ ജിത്തു മാധവൻ രംഗത്ത്. താൻ ഔദ്യോഗികമായി പ്രഖ്യാപിച്ചിട്ടുള്ള രണ്ടാം ഭാഗം 'രോമാഞ്ചത്തിന്റേത്' മാത്രമാണെന്നും, 'ആവേശം', 'സീൻ' തുടങ്ങിയ ചിത്രങ്ങളുടെ ക്ലൈമാക്സുകൾ രണ്ടാം ഭാഗത്തിന്റെ പ്രഖ്യാപനമല്ലെന്നും മറിച്ച് സിനിമയുടെ ആസ്വാദനം തിയേറ്ററിന് പുറത്തും നിലനിർത്താനുള്ള ഒരു ട്രെയിലർ എൻഡ് മാത്രമാണെന്നും അദ്ദേഹം വ്യക്തമാക്കി.
'ഞാന്‍ അനൗണ്‍സ് ചെയ്തിട്ടുള്ള രണ്ടാം ഭാഗം രോമാഞ്ചത്തിന്റേത് മാത്രമാണ്. ബാക്കിയെല്ലാം ഊഹാപോഹങ്ങൾ മാത്രമാണ്. ആവേശത്തിന്റെയും സീനിന്റെയും അവസാനം രണ്ടാം ഭാഗത്തിന്റെ പ്രഖ്യാപനമല്ല. കഥ അവസാനിക്കുന്നില്ല എന്ന സൂചനമാത്രമാണ്. സിനിമ കഴിഞ്ഞു, ഇതുവരെയുള്ള കഥമാത്രമാണുള്ളത് എന്നു പറയുന്നതിനപ്പുറത്തേക്ക് തിയേറ്റര്‍ വിട്ടു പോകുമ്പോഴും സിനിമ ഇവിടെ അവസാനിച്ചിട്ടില്ല, തുടരുന്നുണ്ടെന്ന അനുഭൂതി ലഭിക്കണം എന്നതാണ് ആഗ്രഹം.
അതുകൊണ്ടാണ് ആവേശത്തിലാണെങ്കിലും സീനിലാണെങ്കിലും അങ്ങനെയൊരു ടെയില്‍ എന്‍ഡ് സീക്വന്‍സ് വെച്ചത്. രോമാഞ്ചത്തില്‍ മാത്രമാണ് ഞാന്‍ രണ്ടാം ഭാഗം അനൗണ്‍സ് ചെയ്തത്. അത് വരുമെന്നു തന്നെ വിശ്വസിക്കുന്നു. സമയവും സാഹചര്യങ്ങളും ശരിയാകുമ്പോള്‍ അത് സംഭവിക്കും.
ആവേശത്തിന്റെ രണ്ടാം സിനിമയില്‍ ഞാന്‍ അനൗണ്‍സ് ചെയ്തിരുന്നില്ല. അതിനെക്കുറിച്ച് ചര്‍ച്ചകള്‍ നടക്കുന്നുണ്ടെന്ന് ഫഹദ് ഒരു വേദിയില്‍ പറഞ്ഞിരുന്നു. അത്തരം ചര്‍ച്ചകള്‍ നടക്കുന്നുണ്ടെന്നതല്ലാതെ കണ്‍ഫര്‍മേഷന്‍ ആയിട്ടില്ല. അതില്‍ ഒരുപാടുകാര്യങ്ങള്‍ ചിന്തിക്കാനുണ്ട്. രണ്ടാം ഭാഗം വന്നിട്ട് നശിപ്പിച്ചു എന്ന് ഇതേ ആളുകള്‍ ചോദിക്കും. അതുപാടില്ലല്ലോ. അതുകൊണ്ട് അനുയോജ്യമായ സമയം വരുമ്പോള്‍ ചെയ്യാം എന്നതാണ് പ്ലാന്‍; ജിത്തു മാധവൻ പറഞ്ഞു.
Content Highlights: Will Aavesham and Romancham get sequels? Director Jithu Madhavan responds to the rumours surrounding the possibility of second instalments of both Malayalam hit films.
