LIVE TV
അനിരുദ്ധ് രവിചന്ദറും കാവ്യ മാരനും വിവാഹിതരാകുന്നുവെന്ന റിപ്പോർട്ടുകൾക്കിടെ വിവാഹാഘോഷത്തിൽ പങ്കെടുക്കാൻ സൂപ്പർസ്റ്റാർ രജനികാന്ത് ഗ്രീസിലേക്ക് പുറപ്പെട്ടു. നവംബർ 10, 11 തീയതികളിൽ ഗ്രീസിൽ വെച്ചാണ് വിവാഹച്ചടങ്ങുകൾ നടക്കുകയെന്നാണ് പുറത്തുവന്നിട്ടുള്ള റിപ്പോർട്ടുകൾ. രജനികാന്തിനൊപ്പം മകൾ ഐശ്വര്യയും യാത്രയിലുണ്ട്.
✈️ Anirudh Wedding 🤵🏽💍 https://t.co/GlkEShgao4
— Christopher Kanagaraj (@Chrissuccess) November 9, 2026
തമിഴ്നാട് മുൻ മുഖ്യമന്ത്രി എം.കെ. സ്റ്റാലിനും മകൻ ഉദയനിധി സ്റ്റാലിനും വിവാഹത്തിൽ പങ്കെടുക്കാൻ ഗ്രീസിലേക്ക് പുറപെട്ടതായി വാർത്തകൾ ഉണ്ട്. കൂടാതെ ഇരുവരുടെയും ചിത്രങ്ങൾ സോഷ്യൽ മീഡിയയിൽ വ്യാപകമായി കാണുന്നുമുണ്ട്. ചെന്നൈ വിമാനത്താവളത്തിൽ നിന്നുള്ള രജനികാന്തിന്റെ ചിത്രങ്ങളും വിമാനത്തിനുള്ളിൽ ക്യാബിൻ ജീവനക്കാർക്കൊപ്പം നിൽക്കുന്ന ചിത്രങ്ങളും സമൂഹമാധ്യമങ്ങളിൽ ഇപ്പോൾ ശ്രദ്ധ നേടുന്നുണ്ട്.
Maapillai veedu - Thalaivar off to Greece to #Anirudh wedding❤️🔥 https://t.co/J7woyMa0La
— Vikki | #CinemaMeter🎬 (@CinemaMeterOff) November 9, 2026
ഗ്രീസിലെ സ്വകാര്യ വിവാഹച്ചടങ്ങുകൾക്ക് പിന്നാലെ നവംബർ 21ന് ചെന്നൈയിൽ ആഡംബര വിവാഹ ആഘോഷങ്ങളും സംഘടിപ്പിക്കുമെന്നാണ് റിപ്പോർട്ടുകൾ. സിനിമ, രാഷ്ട്രീയം, കായികം, ബിസിനസ് മേഖലകളിലെ പ്രമുഖർ ചടങ്ങിൽ പങ്കെടുക്കുമെന്നാണ് പ്രതീക്ഷിക്കുന്നത്. അനിരുദ്ധിന്റെ അമ്മയുടെ സഹോദരിയാണ് രജനികാന്തിന്റെ ഭാര്യ ലത. നടൻ വിജയ്, കമൽഹാസൻ, അല്ലു അർജുൻ, എ.ആർ. റഹ്മാൻ, അജിത് കുമാർ, ശിവകാർത്തികേയൻ തുടങ്ങിയ പ്രമുഖർക്ക് ക്ഷണമുള്ളതായും റിപ്പോർട്ടുകളുണ്ട്. എന്നാൽ ഇവരുടെ പങ്കാളിത്തം ഔദ്യോഗികമായി സ്ഥിരീകരിച്ചിട്ടില്ല. പ്രധാനമന്ത്രി നരേന്ദ്ര മോദിക്കും ചടങ്ങിലേക്ക് ക്ഷണമുണ്ടെന്നാണ് റിപ്പോർട്ടുകൾ.
Content Highlights: Rajinikanth off to greece for anirudh kavya maran wedding
