LIVE TV
ജയിലർ 2 സകല റെക്കോഡുകളും തകർത്ത് മുന്നേറുകയാണ്. സിനിമയിൽ പ്രധാന കഥാപാത്രത്തെ അവതരിപ്പിച്ചത് മലയാള നടൻ ഹക്കിം ഷാജഹാൻ ആയിരുന്നു. സിനിമയുടെ റിലീസിന് ശേഷം മോഹൻലാൽ ആരാധകർ നിരാശയിലാണ്. ജയിലറിൽ അദ്ദേഹത്തിന്റെ നിരവധി സീനുകൾ വെട്ടിയെന്നാണ് അദ്ദേഹത്തിന്റെ കോസ്റ്റ്യൂം ഡിസൈനർ ജിഷാദ് ഷംസുദ്ദീൻ പറഞ്ഞിരുന്നത്. ഇപ്പോഴിതാ സിനിമയിൽ തന്റെ നാലോ അഞ്ചോ സീനുകൾ എഡിറ്റിംഗിൽ ഒഴിവാക്കപ്പെട്ടതിൽ യാതൊരു വിഷമവുമില്ലെന്ന് പറയുകയാണ് നടൻ ഹക്കിം ഷാജഹാൻ. 'റിപ്പോർട്ടർ ഫിലിംസിന്' നൽകിയ പ്രത്യേക അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
സിനിമയിൽ ഏതൊക്കെ രംഗങ്ങൾ ഉൾപ്പെടുത്തണം, ഏതൊക്കെ ഒഴിവാക്കണം എന്നത് പൂർണ്ണമായും സംവിധായകന്റെയും എഡിറ്ററുടെയും തീരുമാനമാണെന്നും ഹക്കിം കൂട്ടിച്ചേർത്തു. ചിത്രത്തിൽ മോഹൻലാലിന്റെ സ്ക്രീൻ സ്പേസ് കുറഞ്ഞുപോയെന്ന ആരാധകരുടെ വിഷമത്തെക്കുറിച്ചും ഹക്കിം പ്രതികരിച്ചു.
'അത് പൂർണമായും ഡയറക്ടറുടെയും എഡിറ്ററുടെയും തീരുമാനമാണ് എന്ത് വെക്കണം ഏത് വെക്കരുത് എന്നത്. എന്റെ ഒരു നാലഞ്ച് സീൻ പോയിട്ടുണ്ട്. എന്ന് കരുതി എനിക്കതിൽ വിഷമിക്കാൻ യാതൊരു അവകാശവും ഇല്ല. നെൽസൺ ആ സീൻ വർക് ആവാത്തത് കൊണ്ടായിരിക്കും അത് കട്ട് ചെയ്ത കളഞ്ഞിട്ടുണ്ടാവുക. അതിൽ എനിക്ക് ഒരു വിഷമവും ഇല്ല'; ഹക്കിം പറഞ്ഞു.
ചിത്രത്തിൽ മോഹൻലാലിന്റെ സ്ക്രീൻ സ്പേസ് കുറഞ്ഞുപോയെന്ന ആരാധകരുടെ വിഷമത്തെക്കുറിച്ചും ഹക്കിം പ്രതികരിച്ചു. 'ജിഷാദ്, അദ്ദേഹം വലിയൊരു ലാലേട്ടൻ ഫാൻ ആയത് കൊണ്ട് സിനിമയിൽ കുറച്ചുകൂടെ പ്രതീക്ഷിച്ചിരിക്കാം. ശരിയാണ് നമ്മളും മോഹൻലാൽ ആരാധകർ എന്ന നിലയിൽ കൂടുതൽ സ്ക്രീൻ സ്പേസ് ആഗ്രഹിക്കുന്നുണ്ട്. എന്നാൽ, അത് സിനിമയുടെ മൊത്തത്തിലുള്ള ഒഴുക്കിനെയോ ഘടനയെയോ ബാധിക്കുമെങ്കിൽ രംഗങ്ങൾ ട്രിം ചെയ്യുകയോ കട്ട് ചെയ്യുകയോ വേണ്ടിവരും.
സിനിമയുടെ സമയം ഒരു പ്രധാന ഘടകം ആണ് 2 മണിക്കൂർ 45 മിനിറ്റിൽ സിനിമ നിർത്തണം എന്നത് ഒരു കാരണമായി വന്നേക്കാം. ഒരാളുടെ മാത്രം കട്ട് ചെയ്യണം എന്ന് കരുതി ചെയ്യുന്നതല്ല എല്ലാരുടെയും പോഷൻസ് പോയിട്ടുണ്ട്. ജിഷാദിന്റെ വിഷമം എനിക്ക് മനസിലാവും അദ്ദേഹം എന്റെ സുഹൃത്താണ്; ഹക്കിം ഷാജഹാൻ പറഞ്ഞു.
Content Highlights: Actor Hakim Shahjahan has responded to reports about the cutting of Mohanlal's scenes in the film 'Jailer 2'.
