LIVE TV
'എബ്രഹാം ഓസ്ലര്‍' എന്ന സൂപ്പര്‍ഹിറ്റ് ചിത്രത്തിന് ശേഷം നേരമ്പോക്ക് ബാനറില്‍ നിര്‍മ്മിക്കുന്ന ടൈറ്റന്‍സിന്റെ സെന്‍സറിംഗ് പൂര്‍ത്തിയായി. പ്രിന്‍സ് ജോയ് സംവിധാനം ചെയ്യുന്ന ഈ ജയസൂര്യ-വിനായകന്‍ ചിത്രത്തിന് U/A 16+ സര്‍ട്ടിഫിക്കറ്റ് ആണ് ലഭിച്ചത്. നേരമ്പോക്ക്, മാനുവല്‍ മൂവി മേക്കേഴ്സ്, അവനിര്‍ ടെക് എന്നീ ബാനറുകളില്‍ മിഥുന്‍ മാനുവല്‍ തോമസും ഇര്‍ഷാദ് എം. ഹസനും, ബാബു ഏട്ടന്‍ ഫിലിംസിന്റെ ബാനറില്‍ പ്രദീപ് സി.എസും ചേര്‍ന്ന് നിര്‍മ്മിക്കുന്ന ചിത്രം ഒക്ടോബര്‍ 22ന് ആഗോളതലത്തില്‍ തിയേറ്ററുകളിലെത്തും.
'അനുഗ്രഹീതന്‍ ആന്റണി'യിലൂടെ ശ്രദ്ധ നേടിയ പ്രിന്‍സ് ജോയ് സംവിധാനം ചെയ്യുന്ന 'ടൈറ്റന്‍സ്' രചിച്ചിരിക്കുന്നത് ജെയിംസ് സെബാസ്റ്റ്യനാണ്. ജയസൂര്യ, വിനായകന്‍ എന്നിവര്‍ക്കൊപ്പം നിഹാല്‍, ബേബി ജീന്‍, സണ്ണി വെയ്ന്‍, ഇന്ദ്രന്‍സ്, സുരേഷ് കൃഷ്ണ തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. വ്യത്യസ്തമായ കഥാപാത്രങ്ങളും നര്‍മ്മവും ഫാന്റസി മുഹൂര്‍ത്തങ്ങളും ത്രില്ലിംഗ് രംഗങ്ങളും ചേര്‍ന്നൊരു സിനിമാനുഭവമാണ് ചിത്രം ഒരുക്കുന്നത് എന്നാണ് നേരത്തെ പുറത്ത് വന്ന ചിത്രത്തിന്റെ ട്രെയ്ലര്‍ നല്‍കിയ സൂചന.
ചിത്രത്തിലെ 'ആഗോള ശൃംഖല' എന്ന ഗാനവും നേരത്തെ പുറത്തിറങ്ങി ശ്രദ്ധ നേടിയിരുന്നു. വൈക്കം വിജയലക്ഷ്മിയും സന്നിധാനന്ദനും ചേര്‍ന്ന് ആലപിച്ച ഗാനത്തിന് ഡോണ്‍ വിന്‍സെന്റാണ് സംഗീതം ഒരുക്കിയത്. മാജിക് ഫ്രെയിംസ് ആണ് ചിത്രം കേരളത്തില്‍ വിതരണം ചെയ്യുന്നത്. ഫാര്‍സ് ഫിലിംസാണ് ഓവര്‍സീസ് ഡിസ്ട്രിബ്യൂഷന്‍ നിര്‍വഹിക്കുന്നത്. 123 മ്യൂസിക്‌സാണ് ചിത്രത്തിന്റെ ഓഡിയോ, മ്യൂസിക് അവകാശങ്ങള്‍ സ്വന്തമാക്കിയിരിക്കുന്നത്.
സംവിധാനം: പ്രിന്‍സ് ജോയ്, രചന: ജെയിംസ് സെബാസ്റ്റ്യന്‍, നിര്‍മ്മാതാക്കള്‍: മിഥുന്‍ മാനുവല്‍ തോമസ്, ഇര്‍ഷാദ് എം. ഹസന്‍, പ്രദീപ് സി.എസ്., ഛായാഗ്രഹണം: വിഷ്ണു ശര്‍മ്മ, എഡിറ്റിംഗ്: ഷമീര്‍ മുഹമ്മദ്, സംഗീതം: ഡോണ്‍ വിന്‍സെന്റ്, പ്രൊഡക്ഷന്‍ ഡിസൈന്‍: അരുണ്‍ വെഞ്ഞാറമൂട്, എക്‌സിക്യൂട്ടീവ് പ്രൊഡ്യൂസര്‍മാര്‍: സുനില്‍ സിങ്, ശ്രീജിത്ത് ഗില്ലി, സജിത്ത് പി.വൈ., ലൈന്‍ പ്രൊഡ്യൂസര്‍: റോബിന്‍ വര്‍ഗീസ്, പ്രൊഡക്ഷന്‍ കണ്‍ട്രോളര്‍: പ്രശാന്ത് നാരായണന്‍, ആര്‍ട്ട് ഡയറക്ടര്‍: മഹേഷ് പിറവം, വിഎഫ്എക്‌സ് ഡയറക്ടര്‍: വിശാഖ് ബാബു, കോസ്റ്റ്യൂം: സിജി നോബിള്‍ തോമസ്, മേക്കപ്പ്: റോണക്‌സ് സേവ്യര്‍, സൗണ്ട് ഡിസൈന്‍: കിഷന്‍ മോഹന്‍, സൗണ്ട് മിക്‌സിങ്: രാജകൃഷ്ണന്‍ എം.ആര്‍., ചീഫ് അസോസിയേറ്റ് ഡയറക്ടര്‍മാര്‍: രജീഷ് വേലായുധന്‍, ബേസില്‍ വര്‍ഗീസ് ജോസ്, ക്രിയേറ്റീവ് അസോസിയേറ്റ്: ബിനോഷ് ജോര്‍ജ്, സംഘട്ടനം: ഫീനിക്‌സ് പ്രഭു, ഡിജിറ്റല്‍ പി.ആര്‍.: യദുല്‍ ബോസ്, വിവേക് വിനയ്രാജ്, സ്റ്റില്‍സ്: എസ്.ബി.കെ. ഷുഹൈബ്, ബോയാക്, വിഎഫ്എക്‌സ്: മൈന്‍ഡ് സ്റ്റെയിന്‍ സ്റ്റുഡിയോസ്, പിക്‌റ്റോറിയല്‍ എഫ്.എക്‌സ്., ഡിസൈന്‍സ്: യെല്ലോ ടൂത്ത്‌സ്, പി.ആര്‍.ഒ.: വൈശാഖ് സി. വടക്കേവീട്, ജിനു അനില്‍കുമാര്‍.
Content Highlights: The Jayasurya–Prince Joy film 'Titans' has completed its censoring process. It is set for a global release on October 22.
