LIVE TV
തന്‍റെ ഓരോ സിനിമയിലൂടെയും കാഴ്ചക്കാരെ ഞെട്ടിക്കുന്ന സംവിധായകനാണ് ക്രിസ്റ്റഫർ നോളൻ. അതിനാൽ തന്നെ അദ്ദേഹത്തിന്റെ ഓരോ സിനിമയ്ക്കായും കാത്തിരിക്കുന്നവർ ഏറെയാണ്. 'ഓപ്പൺഹൈമർ' എന്ന ചിത്രത്തിന് ശേഷം ക്രിസ്റ്റഫർ നോളൻ ഒരുക്കുന്ന 'ദി ഒഡീസി' എന്ന സിനിമയ്ക്ക് മികച്ച പ്രതികരണമാണ് ലഭിച്ചത്. കേരളത്തിൽ നിന്നും വലിയ കളക്ഷൻ ആണ് സിനിമയ്ക്ക് ലഭിച്ചിരുന്നത്. ജൂലൈ 17 ന് തിയറ്ററുകളിലെത്തിയ ചിത്രം ആഗോള ബോക്സ് ഓഫീസില്‍ ഇതിനകം നേടിയത് 1.78 ബില്യണ്‍ ഡോളര്‍ ആണെന്നാണ് റിപ്പോര്‍ട്ട്. ഇപ്പോഴിതാ സിനിമാപ്രേമികള്‍ ആഴ്ചകളായി കാത്തിരുന്ന ഒന്നിന്‍റെ പ്രഖ്യാപനം എത്തിയിരിക്കുകയാണ്. ചിത്രത്തിന്‍റെ ഡിജിറ്റല്‍ റിലീസ് സംബന്ധിച്ചാണ് അത്.
പ്രൈം വീഡിയോ, ആപ്പിള്‍ ടിവി അടക്കമുള്ള പ്ലാറ്റ്ഫോമുകളില്‍ റെന്‍റിനും പര്‍ച്ചേസിനും ആയിരിക്കും ചിത്രം ആദ്യം എത്തുക. നവംബര്‍ 17 മുതല്‍ ഇത് ആരംഭിക്കും. റെന്‍റ്, പര്‍ച്ചേസ് സമയം കഴിഞ്ഞിട്ടായിരിക്കും അതത് പ്ലാറ്റ്ഫോമുകളുടെ സബ്സ്ക്രൈബര്‍മാര്‍ക്കായുള്ള സ്ട്രീമിംഗ്. ജൂലൈ 17 ന് തിയറ്ററുകളിലെത്തിയ ചിത്രമാണ് ഇത്. നിര്‍മ്മാതാക്കളായ യൂണിവേഴ്സല്‍ പിക്ചേഴ്സുമായി മിനിമം 120 ദിവസത്തെ ഒടിടി വിന്‍ഡോയാണ് നോളന്‍ നേടിയെടുത്തിരിക്കുന്നത്.
ഗ്രീക്ക് മഹാകവി ഹോമറിന്‍റെ ഇതിഹാസ കാവ്യമായ ദി ഒഡീസിയെ അടിസ്ഥാനമാക്കിയാണ് നോളൻ ദി ഒഡീസി ഒരുക്കുന്നത്. യൂണിവേഴ്സൽ പിക്ചേഴ്സ് ആണ് സിനിമ നിർമിക്കുന്നത്. പൂർണ്ണമായും ഐമാക്സ് ഫിലിം ക്യാമറകൾ ഉപയോഗിച്ചാണ് ഈ സിനിമ ചിത്രീകരിച്ചത്. 24 പുസ്തകങ്ങളായി തിരിച്ചിരിക്കുന്ന മഹാകാവ്യമാണ് ഒഡീസി. ട്രോജൻ യുദ്ധത്തിന് ശേഷം ഗ്രീസിന്‍റെ നിര്‍ണ്ണായക വിജയം ഉറപ്പാക്കിയ ഇത്താക്കയിലെ രാജാവായ ഒഡീസിയസിന്‍റെ അപകടകരമായ മടക്കയാത്രയാണ് ഈ ഇതിഹാസത്തില്‍ പറയുന്നത്. നോളന്റെ എപ്പിക് ആക്ഷൻ ഫാന്റസിയിൽ നടൻ മാറ്റ് ഡാമൺ, നിത്യനായകനായ ഒഡീഷ്യസായി അഭിനയിക്കും. ടോം ഹോളണ്ട്, ആനി ഹാത്ത്വേ, ജോൺ ബെർന്താൽ, സെൻഡായ, ലുപിറ്റ ന്യോങ്കോ, റോബർട്ട് പാറ്റിൻസൺ, ചാർലിസ് തെറോൺ, മിയ ഗോത്ത് എന്നിവരും ചിത്രത്തിലുണ്ട്.
Content Highlights: Christopher Nolan's film The Odyssey is set to arrive on an OTT platform, and its streaming release date has been announced. The update brings details about the film's digital release for viewers waiting to watch the Hollywood epic online.
