LIVE TV
മലയാള സിനിമാ ചരിത്രത്തിലെ ഏറ്റവും ജനപ്രീതിയാർജ്ജിച്ച ക്രൈം ത്രില്ലർ ഫ്രാഞ്ചൈസിയുടെ മൂന്നാം ഭാഗമായ 'ദൃശ്യം 3' തിയേറ്ററുകളിൽ വൻ വിജയമാണ് നേടിയത്. ദൃശ്യം 4 പരിഗണനയിൽ ഉണ്ടെന്നും , അതിന് പിന്നാലെ അഞ്ചാം ഭാഗവും ആറാം ഭാഗവും ഉണ്ടാകണമെന്നാണ് തന്റെ ആഗ്രഹമെന്നും സിദ്ദീഖ് പറഞ്ഞു. റിപ്പോർട്ടർ ഫിലിംസിന് നൽകിയ അഭിമുഖത്തിലാണ് പ്രതികരണം.
'ദൃശ്യം 3 സിനിമയിൽ എനിക്ക് വന്ന ട്രോളുകൾ ചിലത് ഞാൻ കണ്ടിരുന്നു. ദൃശ്യം 4 ഉണ്ട്, എന്നാൽ ആറാം ഭാഗത്തിന്റെ കഥ എന്താണ് എന്നൊക്കെയാണ് ഞാൻ ചിന്തിക്കുന്നത്. എന്തായാലും അത് മേലേക്ക് മേലേക്ക് പോകുന്നതിൽ ഒരു സന്തോഷം. ഇന്നലെ ഞാൻ ജിത്തുവായിട്ട് സംസാരിച്ചപ്പോഴും ജിത്തു പറയുന്നത് എന്താണ് ഇനി ഇതിന്റെ മുകളിൽ ചെയ്യുക എന്നുള്ളതാണ്.
ദൃശ്യം 3 യുടെ മുകളിൽ നിൽക്കേണ്ട, ഇല്ലെങ്കിൽ തീർന്നില്ലേ. അതിന്റെ ടെൻഷൻ ഉണ്ട് ജിത്തുവിന്. അവരെ സംബന്ധിച്ചിടത്തോളം ദൃശ്യം 1 ചെയ്യുമ്പോൾ ട്രസ് ഇല്ല. 2 ചെയ്യുമ്പോൾ കുറച്ച് കൂടി 3 ചെയ്യുമ്പോൾ അതിനേക്കാൾ ഉണ്ടായിരുന്നു 4 വരുമ്പോൾ വലിയ ട്രസ് അനുഭവിക്കുന്നുണ്ട് ജിത്തു. ഞങ്ങൾ പക്ഷേ ആ കഥാപാത്രം ചെയ്യാൻ വെയിറ്റ് ചെയ്തുകൊണ്ടിരിക്കുകയാണ്. ഫോറും ഫൈവും സിക്സും ഒക്കെ ഉണ്ടാകണം എന്ന് തന്നെയാണ് പ്രഭാകറിന്റെ ആഗ്രഹം; സിദ്ധിഖ് പറഞ്ഞു.
മലയാളത്തില് ത്രില്ലര് സിനിമകള്ക്ക് പുതിയൊരു ബെഞ്ച്മാര്ക്ക് നല്കിയ ചിത്രമായിരുന്നു മോഹന്ലാല് - ജീത്തുജോസഫ് കൂട്ടുകെട്ടിലൊരുങ്ങിയ 'ദൃശ്യം'.ജോര്ജ്കുട്ടിയും കുടുംബവും അവരുടെ നിലനില്പ്പിനായുള്ള പോരാട്ടങ്ങളും മലയാളി പ്രേക്ഷകര് ഇരുകൈയ്യും നീട്ടി സ്വീകരിച്ചപ്പോള് ഒരു രണ്ടാം ഭാഗവും സിനിമക്ക് ഉണ്ടായി. ഇന്ത്യയും കടന്ന് ചൈനീസും കൊറിയനും ഉള്പ്പടെ നിരവധി ഭാഷകളിലേക്ക് റീമേക്ക് ചെയ്യപ്പെട്ടിരുന്നു. മോഹന്ലാലിനൊപ്പം മീന, എസ്തര് അനില്, അന്സിബ, സിദ്ദിഖ്, ആശാ ശരത്, മുരളി ഗോപി എന്നിവര് ദൃശ്യം 3-യിലും പ്രധാനവേഷങ്ങളിലെത്തുന്നുണ്ട്. ദൃശ്യം 3 തീയേറ്ററിലെത്തി വെറും 58 മണിക്കൂറുകള് കൊണ്ടാണ് 100 കോടി ക്ലബിലെത്തിയത്. ആഗോള ബോക്സ് ഓഫീസില് നിന്ന് ചിത്രം ആകെ നേടിയത് 237.70 കോടിയാണ്.
Content Highlights: Actor Siddique spoke about his wish to see more instalments in the Drishyam franchise, including Drishyam 4, 5, and 6. He also shared his views on director Jeethu Joseph’s thoughts and the challenges involved in continuing the successful series.
