LIVE TV
പ്രകാശ് വര്മ നായകനായി എത്തിയ ലോ ആന്റ ഓര്ഡര് എന്ന ചിത്രം പ്രേക്ഷകപ്രീതി നേടി മുന്നേറുന്നു. സിനിമ പ്രേക്ഷകരില് നിന്നും മികച്ച അഭിപ്രായമാണ് നേടുന്നത്. രഞ്ജിത്ത് സംവിധാനം ചെയ്ത ചിത്രം പൊലീസ് പശ്ചാത്തലത്തിലാണ് ഒരുങ്ങിയിരിക്കുന്നത്.
പ്രകാശ് വര്മയും അഭിരാമിയും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില് പ്രമുഖ താരങ്ങള്ക്കും പുതുമുഖങ്ങള്ക്കും നിര്ണ്ണായകമായ പ്രാധാന്യമുണ്ട്. മമ്മൂട്ടിയുടെ ഐക്കോണിക് കഥാപാത്രങ്ങളിലൊന്നായ കരിക്കാമുറി ഷണ്മുഖന്റെ കാമിയോ ചിത്രത്തിന്റെ പഞ്ച് കൂട്ടുന്നു എന്നാണ് അഭിപ്രായങ്ങള്.
നീതി നിര്വ്വഹണത്തിനായി അങ്കത്തട്ടിലിറങ്ങുന്ന അഞ്ചു ചെറുപ്പക്കാരും അവരുടെ മാര്ഗദര്ശിയായി എത്തുന്ന ഒരു പൊലീസ് ഉദ്യോഗസ്ഥന്റേയും ഔദ്യോഗിക ജീവിതത്തിലും വ്യക്തി ജീവിതത്തിലും അരങ്ങേറുന്ന സംഭവങ്ങളാണ് സംഘര്ഷ ഭരിതമായ മുഹൂര്ത്തങ്ങളിലൂടെ അവതരിപ്പിക്കുന്നത്.
പ്രധാനമായും കൊച്ചിയുടെ പശ്ചാത്തലത്തില് അവതരിപ്പിക്കുന്ന ഈ ചിത്രത്തിന്റെ കഥാഗതിയില് മറ്റുചില സ്ഥലങ്ങള്ക്കും നിര്ണ്ണായകമായ പങ്കുണ്ട്. കൊച്ചി , തിരുവനന്തപുരം, കോട്ടയം ,വയനാട് കണ്ണൂര്, എന്നിവിടങ്ങളിലായി തൊണ്ണൂറു ദിവസത്തോളം നീണ്ടു നിന്ന ചിത്രീകരണമാണ് ഈ ചിത്രത്തിനു വേണ്ടി വന്നത്.
ആക്ഷന് ഏറെ പ്രാധാന്യമുള്ള ഈ ചിത്രത്തില് ദക്ഷിണേന്ത്യയിലെ മികച്ച ആക്ഷന് കോറിയോഗ്രാഫേഴ്സ് ആയ, ഫീനിക്സ് പ്രഭു, പി സി സ്റ്റണ്ട്സ്, മാഫിയാ ശശി എന്നിവരാണ് ആക്ഷന് ഒരുക്കിയിരിക്കുന്നത്. ആക്ഷനോടൊപ്പം ഇമോഷണല് ഡ്രാമയുടെ സ്വാധീനവും ഈ ചിത്രത്തെ കുടുംബ സദസ്സിനും പ്രിയപ്പെട്ടതാക്കുന്നു എന്നാണ് കമന്റുകള്. ശക്തമായ കുടുംബമുഹൂര്ത്തങ്ങള് കോര്ത്തിണക്കിയ ഈ ചിത്രം കുടുംബ പ്രേഷകരെ ഏറെ ആകര്ഷിക്കാന് പോന്നതായി മാറിയിരിക്കുന്നു. പുതിയ അഭിനേതാക്കളെ പ്രേഷകര് ആവേശത്തോടെയാണ് സ്വീകരിച്ചിരിക്കുന്നത്.
ജോര്ജ് സാര് എന്ന ഒറ്റ കഥാപാത്രത്തിലൂടെ പ്രേഷകപ്രശംസ പിടിച്ചു പറ്റിയ പ്രകാശ് വര്മയും, വന് വിജയം നേടിയ ബ്ലാസ്റ്റ് എന്ന ചിത്രത്തിലൂടെ മിന്നും പ്രകടനം കാഴ്ച്ച വച്ച അഭിരാമിയും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില് ഋതു ദേവ് അയ്യപ്പന്, ഷനൂദ് ഇബ്രാഹിം, ഡോണ് മൈക്കിള്, സജന് സുദര്ശന്, നിജാദ് ബാബു തോമസ് ഷെര്ഷ ഷെരിഫ്, റിനോഷ് ജോര്ജ്, അമല് ജോസ് ആന്റണി, ബോബി കുര്യന്, വി കെ പ്രകാശ്, സുരേഷ് കൃഷ്ണ, ജോയ് മാത്യു, ദേവന്, ആനന്ദ് മന്മഥന്, ജോണി ആന്റെണി ഭീമന് രഘു, നന്ദു ജെയ്സ് ജോസ്, അസിം ജമാല്, ഗായത്രി അശോക്, അജയ് വാസുദേവ്. ശങ്കര് രാമകൃഷ്ണന്, നന്ദന് ഉണ്ണി, അക്ഷയ് രാധാകൃഷ്ണന്, മോഹന് ജോസ്, മാധുരി, സാബുമോന്ഗുണ്ടു കാട് സാബു, മുരുകന്, സന്ധ്യാ രാജേന്ദ്രന്, വൈഷ്ണവി,രമാദേവി അംബികാനായര്, എന്നിവരും പ്രധാന താരങ്ങളാണ്. മാര്ക്കറ്റിംഗ് ബ്രിങ്ഫോര്ത്ത്, വാഴൂര് ജോസ്.
Content Highlights: The film 'Law and Order' is moving forward, having won audience appreciation. Directed by Ranjith, the movie is set against a police backdrop.
