LIVE TV
റോക്കി, ക്യാപ്റ്റൻ മില്ലർ തുടങ്ങിയ സിനിമകളൊരുക്കിയ സംവിധായകനാണ് അരുൺ മാതേശ്വരൻ. മികച്ച പ്രതികരണം നേടിയ ഈ സിനിമകൾ വലിയ തോതിൽ ജനശ്രദ്ധയും ആകർഷിച്ചിരുന്നു. ലോകേഷ് കനകരാജിനെ നായകനാക്കി ഒരുങ്ങുന്ന ഡിസി ആണ് ഇനി പുറത്തുവരാനുള്ള അരുൺ ചിത്രം. ചിത്രത്തിലെ ഗാനങ്ങൾ ഇന്നലെ പുറത്തുവന്നു. മികച്ച പ്രതികരണമാണ് ഗാനങ്ങൾക്ക് ലഭിക്കുന്നത്.
അനിരുദ്ധ് രവിചന്ദർ ആണ് സിനിമയ്ക്കായി സംഗീതം ഒരുക്കിയിരിക്കുന്നത്. സമീപകാലത്തെ അനിരുദ്ധിന്റെ ബെസ്റ്റ് വർക്ക് ആണ് ഡിസിയിലേത് എന്നാണ് പ്രേക്ഷകർ പറയുന്നത്. 14 ട്രാക്കുകൾ ആണ് ചിത്രത്തിലുള്ളത്. ഓരോ ഗാനങ്ങളും ഒന്നിനൊന്ന് വ്യത്യസ്തമാണെന്നും ഹോളിവുഡ് സിനിമകളിലെ ഗാനങ്ങൾ പോലെ തോന്നുന്നുണ്ട് എന്നാണു കമന്റുകൾ. ഗോകുലം മൂവീസിന്റെ ബാനറിൽ ഗോകുലം ഗോപാലൻ ആണ് ഡിസി കേരളത്തിൽ എത്തിക്കുന്നത്. ചിത്രം ആഗസ്റ്റ് ഏഴിന് തിയേറ്ററിലെത്തും. ഒരു ആക്ഷൻ വയലന്റ് സിനിമയാകും ഡിസി എന്ന സൂചനയാണ് ട്രെയ്ലർ നൽകുന്നത്. ലോകേഷിന്റെയും വാമിക ഗബ്ബിയുടെയും ആക്ഷൻ രംഗങ്ങളാകും സിനിമയുടെ ഹൈലൈറ്റ് എന്നും ട്രെയ്ലർ ഉറപ്പ് നൽകുന്നുണ്ട്. അനിരുദ്ധ് ആണ് ചിത്രത്തിനായി സംഗീതം ഒരുക്കുന്നത്. സൺ പിക്ചേഴ്സിന്റെ ബാനറിൽ കലാനിധി മാരൻ ആണ് സിനിമ നിർമിക്കുന്നത്.സിനിമയ്ക്കായി ലോകേഷ് കനകരാജ് മാര്ഷല് ആർട്സ് പഠിക്കുന്നു എന്ന അപ്ഡേറ്റ് നേരത്തെ പുറത്തുവന്നിരുന്നു.
Looping it since last night 🔥
— Siddarth Srinivas (@sidhuwrites) July 25, 2026
What a mental set of tracks from @anirudhofficial the BEAST. You can have a 100 composers delivering hits but when he enters, he conquers!#DC pic.twitter.com/VgvqG5nveQ
അതേസമയം, അല്ലു അർജുനുമൊത്താണ് ലോകേഷ് അടുത്ത സിനിമ ചെയ്യുന്നത്. സിനിമയുടെ അനൗൺസ്മെന്റ് വീഡിയോ പുറത്തുവന്നിരുന്നു. അനിരുദ്ധിന്റെ കിടിലൻ മ്യൂസിക്കിൽ ആണ് വീഡിയോ പുറത്തുവന്നിരിക്കുന്നത്. അനിരുദ്ധ് ആണ് സിനിമയ്ക്കായി സംഗീതം ഒരുക്കുന്നത്. ഒരു പക്കാ ആക്ഷൻ സിനിമയാകും ഇതെന്ന സൂചനയാണ് അനൗൺസ്മെന്റ് വീഡിയോ നൽകുന്നത്. ചിത്രം സംവിധാനം ചെയ്യാനായി ലോകേഷിന് ലഭിക്കുന്ന പ്രതിഫലം 75 കോടി ആണെന്നാണ് തെലുങ്ക് മാധ്യമങ്ങൾ റിപ്പോർട്ട് ചെയ്യുന്നത്.മൈത്രി മൂവി മേക്കേഴ്സ് ആണ് ഇപ്പോൾ ഈ അല്ലു അർജുൻ ചിത്രം നിർമിക്കുന്നത്. 2026 ൽ ഈ സിനിമയുടെ ഷൂട്ട് ആരംഭിക്കും. അല്ലു അർജുനും- ലോകേഷും-അനിരുദ്ധും ആദ്യമായി ഒന്നിക്കുന്ന സിനിമയാണ് ഇത്.
Content Highlights: The soundtrack of Lokesh Kanagaraj's DC, composed by Anirudh Ravichander, is creating a buzz online. Fans have widely praised the songs, with many calling them some of Anirudh's best work, making the album trend across social media platforms.
