LIVE TV
ലോകമെമ്പാടുമുള്ള ബോക്സ് ഓഫീസിൽ തരംഗമാവുകയാണ് ഹോളിവുഡ് ചിത്രം ഒബ്സെഷൻ(Obsession). യൂട്യൂബറും കൊമേഡിയനും കൂടിയായ കറി ബാർക്കർ സംവിധാനം ചെയ്തിരിക്കുന്ന ചിത്രം ഹൊറർ ഴോണറിലാണ് ഒരുങ്ങിയിരിക്കുന്നത്. വമ്പൻ താരങ്ങളൊന്നുമില്ലാതെ വളരെ കുറഞ്ഞ ബജറ്റിൽ ചിത്രീകരണം പൂർത്തിയാക്കിയ ഒബ്സെഷൻ തിയേറ്ററിൽ നിന്നും കോടികളാണ് കൊയ്യുന്നത്. ചിത്രം ഇപ്പോൾ ഒടിടി റിലീസിന് ഒരുങ്ങുകയാണ്.
ജൂൺ 30 ന് ആപ്പിൾ ടിവിയിലൂടെയാണ് സിനിമ സ്ട്രീമിങ്ങിന് എത്തുന്നത്. സിനിമയുടെ കട്ട് ചെയ്യാത്ത അൺസെൻസേർഡ് പതിപ്പാകും ഒടിടിയിലൂടെ പുറത്തിറങ്ങുക. അഞ്ച് കോടിയോളമാണ് സിനിമ ഇതുവരെ കേരളത്തിൽ നിന്നും നേടിയത്. ഇന്ത്യയിൽ നിന്ന് ചിത്രം 78 കോടിയോളം നേടിയിട്ടുണ്ട്. ഹോളിവുഡിൽ ഇത്രയും കുറഞ്ഞ ബജറ്റിൽ സിനിമകൾ നിർമിക്കപ്പെടുന്നത് അത്യപൂർവ്വമാണ്. ഇപ്പോൾ പത്തിരട്ടിയോളമാണ് ഒബ്സെഷൻ ആഗോള ബോക്സ് ഓഫീസിൽ നിന്നും നേടിയിരിക്കുന്നത്. ടൊറന്റോ ഇന്റർനാഷണൽ ഫിലിം ഫെസ്റ്റിവലിൽ വെച്ചായിരുന്നു ഒബ്സെഷന്റെ പ്രീമിയർ നടന്നത്. അവിടെ നിന്നും വലിയ തുകയ്ക്ക് ചിത്രം ഫോക്കസ് ഫീച്ചേഴ്സ് വിതരണത്തിനായി ഏറ്റെടുത്തു. പിന്നീട് തിയേറ്റർ റിലീസിന് എത്തിയ ചിത്രം ആദ്യ ദിവസം തന്നെ വലിയ കളക്ഷൻ സ്വന്തമാക്കി.
Obsession comes to home screens, June 30. pic.twitter.com/Nnm5r5mwem
— Lets Cinema (@letscinema) June 29, 2026
വാരാന്ത്യത്തിലും അതേ കുതിപ്പ് ചിത്രം നിലനിർത്തി. The Devil Wears Prada അടക്കമുള്ള ചിത്രങ്ങളെ പിന്തള്ളിയാണ് ചിത്രം കുതിച്ചു കയറിയത്.സിനിമയുടെ മേക്കിങ്ങിനൊപ്പം പ്രധാന കഥാപാത്രങ്ങളെ അവതരിപ്പിച്ച ഇൻഡീ നവരെറ്റ, മൈക്കിൾ ജോൺസ്റ്റൺ എന്നിവരുടെ പ്രകടനങ്ങളും കയ്യടി നേടുന്നുണ്ട്. കറി ബാർക്കറുടെ ആദ്യ ചിത്രമായിരുന്ന മിൽക്ക് ആന്റ് സീരിയൽ 2024ലായിരുന്നു പുറത്തുവന്നത്. 800 ഡോളർ മാത്രം ചെലവിൽ ഒരുങ്ങിയ ചിത്രം യൂട്യൂബിലായിരുന്നു റിലീസ് ചെയ്തത്. വലിയ പ്രേക്ഷകസ്വീകാര്യത ഈ ചിത്രവും നേടിയിരുന്നു. മിൽക്ക് ആന്റ് സീരിയലും ഹൊറർ ഴോണറിൽ ഒരുങ്ങിയ ചിത്രമായിരുന്നു. കറി ബാർക്കറുടെ അടുത്ത സിനിമയും ഹൊറർ ഴോണറിൽ തന്നെയാണ് ഒരുങ്ങുന്നത്. ആരോൺ പോളാണ് ഈ ചിത്രത്തിൽ പ്രധാന വേഷത്തിൽ എത്തുക.
Content Highlights: Following its censored theatrical release, Obsession will arrive on OTT in an uncut version. The announcement of the streaming date has heightened anticipation among viewers eager to watch the film as originally intended.
