LIVE TV
അർജുൻ സർജയെ നായകനാക്കി സുഭാഷ് കെ രാജ് സംവിധാനം ചെയ്ത സിനിമയാണ് ബ്ലാസ്റ്റ്. ഒരു ആക്ഷൻ ഫാമിലി ഡ്രാമയായി പുറത്തുവന്ന സിനിമയ്ക്ക് മികച്ച പ്രതികരണം ആണ് ലഭിച്ചത്. പ്രീതി മുകുന്ദൻ, അഭിരാമി എന്നിവരും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. അർജുന്റെയും പ്രീതി മുകുന്ദന്റെയും അഭിരാമിയുടെയും മികച്ച പ്രകടനം തന്നെയാണ് ചിത്രത്തിന്റെ ഏറ്റവും പോസിറ്റീവ്. കളക്ഷൻ വമ്പൻ കുതിപ്പാണ് സിനിമ നടത്തുന്നത്. ഇപ്പോഴിതാ സിനിമ ഒടിടിയിലേക്ക് എത്തുകയാണ്.
ജൂൺ 25 മുതൽ ബ്ലാസ്റ്റ് ഒടിടിയിൽ സ്ട്രീമിങ് ആരംഭിക്കും. നെറ്റ്ഫ്ലിക്സിലൂടെയാണ് സിനിമ പ്രേക്ഷകർക്ക് മുന്നിലെത്തുന്നത്. ബജറ്റിലല്ല വർക്കിലാണ് കാര്യം എന്ന് തെളിയിക്കുന്നതാണ് സിനിമയുടെ കളക്ഷൻ. 18 കോടി നിർമാണ ചെലവിൽ എത്തിയ ചിത്രം ഇപ്പോൾ 50 കോടി ക്ലബ്ബിൽ ഇരുപ്പ് ഉറപ്പിക്കാൻ തയ്യാറെടുക്കുകയാണ്. സാക്നിൽക്കിന്റെ റിപ്പോർട്ട് പ്രകാരം ഇതുവരെ ആഗോള ബോക്സ് ഓഫീസില് 59 കോടിയോളം ചിത്രം നേടിയിട്ടുണ്ട്. രവി ബസ്റൂർ ആണ് ചിത്രത്തിന് സംഗീത സംവിധാനം നിർവഹിച്ചിരിക്കുന്നത്.അർജുൻ ചിദംബരം, ദിലീപൻ, ബാല ഹസൻ, ജോൺ കോക്കൻ, രമേശ് നാരായണൻ, പവൻ, വിവേക് പ്രസന്ന, വിനോദ് സാഗർ എന്നിവരാണ് ചിത്രത്തിലെ മറ്റ് താരങ്ങൾ.
#Blast after its blockbuster theatrical run will be streaming on NETFLIX from June 25. pic.twitter.com/OGleO2KrEA
— Sreedhar Pillai (@sri50) June 15, 2026
പതിയെ തുടങ്ങിയ സിനിമയ്ക്ക് രണ്ടാം ദിനം മുതൽ കൂടുതൽ സ്ക്രീനുകൾ ചാർട്ട് ചെയ്തിട്ടുണ്ട്. വിത്ത് ലവ്, ടൂറിസ്റ്റ് ഫാമിലി തുടങ്ങിയ സിനിമകൾ കേരളത്തിൽ നിന്ന് വലിയ കളക്ഷൻ നേടിയത് പോലെ ബ്ലാസ്റ്റിനും കേരളത്തിൽ തരംഗമുണ്ടാക്കാൻ സാധിക്കുമെന്നാണ് റിപ്പോർട്ട്. എജിഎസ് എന്റർടൈൻമെന്റാണ് ചിത്രം നിർമ്മിച്ചിരിക്കുന്നത്. അരുൺ രാധാകൃഷ്ണൻ ഛായാഗ്രഹണം നിർവഹിച്ച ചിത്രത്തിലെ എഡിറ്റിങ് കൈകാര്യം ചെയ്തിരിക്കുന്നത് പ്രദീപ് രാഘവാണ്.
Content Highlights: Following a strong theatrical run, Blast is now gearing up for its OTT release. The streaming platform is expected to make the film available soon, adding to its post-theatrical buzz. The update has generated excitement among audiences who missed the theatrical experience.
