Get the latest news at
your fingertips!
Download our app now
LIVE TV
Search
തോമസ് തിരുവല്ല ഫിലിംസും സൈജു കുറുപ്പ് എന്റർടൈൻമെന്റ്സിന്റെയും ബാനറിൽ ഒരുങ്ങുന്ന 'ഭരതനാട്യം 2: മോഹിനിയാട്ടം' ഏപ്രിൽ 10 ന് തിയേറ്ററുകളിൽ എത്താൻ ഒരുങ്ങുകയാണ്. ഭരതനാട്യം എന്ന സിനിമയുടെ രണ്ടാം ഭാഗമാണിത്. സിനിമയുടെ ആദ്യ ഭാഗത്തിന് ലഭിച്ച വിമർശനങ്ങളും രണ്ടാം ഭാഗത്തിൽ അതിനെ മുൻനിർത്തി കഥയ്ക്ക് നൽകിയ മാറ്റങ്ങളെക്കുറിച്ചും മനസുതുറക്കുകയാണ് സൈജു കുറുപ്പ്. അൺഫിൽറ്റേഡ് ബൈ അപർണ എന്ന ചാനലിന് നൽകിയ അഭിമുഖത്തിൽ സംസാരിക്കുകയായിരുന്നു സൈജു കുറുപ്പ്.
'ഭരതനാട്യം റിലീസായ സമയത്ത് രണ്ട് പ്രശ്നങ്ങൾ ആണ് പലരും പറഞ്ഞത്. ഒന്ന് സിനിമ തിയേറ്ററിക്കൽ എക്സ്പീരിയൻസ് അല്ല എന്നായിരുന്നു. പടം എന്റർടൈൻ ചെയ്യിപ്പിച്ചെങ്കിലും തിയേറ്ററിക്കൽ എക്സ്പീരിയൻസ് അല്ല. രണ്ടാമത്തത് അര മണിക്കൂർ കഴിഞ്ഞാണ് സിനിമയിൽ ഇൻ ആകുന്നത് എന്നാണ്. അതുകൊണ്ട് ഇത്തവണ മോഹിനിയാട്ടം ഒരു തിയേറ്റർ കാഴ്ചയ്ക്ക് പറ്റിയ പടമാകണം എന്ന് നിർബന്ധമുണ്ടായിരുന്നു. ആ സ്ട്രക്ച്ചറിലാണ് ഈ സിനിമ ഒരുക്കിയിരിക്കുന്നത്. ഈ പടം തുടങ്ങി അഞ്ചാം മിനിറ്റിൽ ഒരു മെയിൻ കഥാപാത്രത്തിന്റെ എൻട്രി ഉണ്ട്. അവിടന്ന് പടം ടേക്ക് ഓഫ് ആകും. പിന്നെ സിനിമയുടെ ഗ്രാഫ് മുകളിലേക്ക് പോകും', സൈജു കുറുപ്പിന്റെ വാക്കുകൾ.
സിനിമയുടെ ട്രെയ്ലർ പുറത്തുവന്നു. കോമഡിയും ക്രൈമും കൂട്ടിയിണക്കി ഒരു കിടിലൻ എന്റർടൈനർ തന്നെയാകും സിനിമ എന്ന സൂചനയാണ് ട്രെയ്ലർ നൽകുന്നത്. ട്രെയ്ലറിലെ ദൃശ്യം റഫറൻസുകളും ശ്രദ്ധ നേടുന്നുണ്ട്. കൃഷ്ണദാസ് മുരളിയാണ് ഈ ചിത്രം സംവിധാനം ചെയ്യുന്നത്. ലിനി മറിയം ഡേവിഡ്, അനുപമ ബി നമ്പ്യാർ എന്നിവർ ചേർന്നാണ് നിർമ്മാണം. സൈജു കുറുപ്പിന്റെ 150 ാം ചിത്രം എന്ന പ്രത്യേകതയുമുണ്ടിതിന്. സൈജു കുറുപ്പ്, സുരാജ് വെഞ്ഞാറമൂട്, ജഗദീഷ്, വിനയ് ഫോർട്ട്, ബേബി ജീൻ, കലാരഞ്ജിനി, ശ്രീജ രവി, സ്വാതി ദാസ് പ്രഭു, നന്ദു പൊതുവാൾ, അഭിരാം, ശ്രുതി സുരേഷ്, ദിവ്യ എം നായർ, ജിനിൽ റെക്സ, ജിവിൻ റെക്സ, നിഷ്താർ സെയ്ത്, സന്തോഷ് ബാലചന്ദ്ര വിജയ്, സൽഖാൻ വിജയ്, സൽഖാൻ, നായർ ബാബു, ജിബിൻ ഗോപിനാഥ് തുടങ്ങിയവരാണ് സിനിമയിലെ പ്രധാന അഭിനേതാക്കൾ.
ചിത്രത്തിന്റെ രചന: കൃഷ്ണദാസ് മുരളി, വിഷ്ണു ആർ. പ്രദീപ്. ഛായാഗ്രഹണം: ബബ്ലു അജു. ചിത്രസംയോജനം : ഷഫീഖ് വി. ബി. സംഗീതം : ഇലക്ട്രോണിക് കിളി. കലാസംവിധാനം : ദിൽജിത് എം. ദാസ്. ശബ്ദസംവിധാനം : ധനുഷ് നായനാർ. ശബ്ദമിശ്രണം : വിപിൻ നായർ.
വസ്ത്രാലങ്കാരം : സുജിത് മട്ടന്നൂർ. ചമയം : മനോജ് കിരൺരാജ്. ചീഫ് അസോസിയേറ്റ് ഡയറക്ടർ : സാംസൺ സെബാസ്റ്റ്യൻ. എക്സിക്യൂട്ടീവ് പ്രൊഡ്യൂസർ : സൽമാൻ കെ. എം, പ്രൊഡക്ഷൻ കൺട്രോളർ : ജിതേഷ് അഞ്ചുമന, സ്റ്റിൽസ് : വിഷ്ണു എസ്. രാജൻ, മോഷൻ പോസ്റ്റർ : ഡോട്ട് VFX സ്റ്റുഡിയോ, പിആർ ഓ : എ. എസ്. ദിനേശ്, പബ്ലിസിറ്റി ഡിസൈൻ : യെല്ലോ ടൂത്ത്, മീഡിയ പ്ലാനിങ് & കോൺടെന്റ് ഡിസൈൻ : പപ്പറ്റ് മീഡിയ.
Content Highlights: Saiju Kurup talks about why bharathanatyam did not work at the box office
