Get the latest news at
your fingertips!
Download our app now
LIVE TV
Search
ഇന്ത്യന് സിനിമയില്ത്തന്നെ റീ റിലീസുകള് ഇന്ന് ഏറ്റവുമധികം സംഭവിച്ചുകൊണ്ടിരിക്കുന്നത് തമിഴ് സിനിമയിലാണ്. പുതിയ റിലീസുകള് പ്രേക്ഷകരെ കാര്യമായി ആകര്ഷിക്കാത്തതും വലിയ ചെലവില്ലാതെ തിയറ്ററുകളില് എത്തിക്കാമെന്നതുമാണ് റീ റിലീസുകള് നിര്മ്മാതാക്കള്ക്ക് മുന്നില് തുറന്നിടുന്ന സാധ്യത. വിജയ്, അജിത്, രജനികാന്ത് തുടങ്ങിയവരുടെ ഹിറ്റ് സിനിമകൾ ഇപ്പോൾ റീ റിലീസ് ചെയ്തു ഹിറ്റടിക്കുന്നുണ്ട്. അക്കൂട്ടത്തിൽ ഒന്നാമനായിരുന്നു ഗില്ലി. 2024 ഏപ്രിലിൽ റീ റിലീസ് ചെയ്ത ചിത്രം വലിയ തരംഗമാണ് ഉണ്ടാക്കിയത്.
ഇപ്പോഴിതാ ചിത്രം പ്രേക്ഷകരുടെ അഭ്യർത്ഥന മാനിച്ച് വീണ്ടും റീ റിലീസ് ചെയ്യുകയാണെന്നാണ് പുതിയ അപ്ഡേറ്റ്. ചിത്രം റീ റിലീസിനെത്തിക്കുന്ന ശക്തി ഫിലിം ഫാക്ടറി ആണ് ഈ അപ്ഡേറ്റ് പുറത്തുവിട്ടത്. ഫെബ്രുവരി 20 നാണ് ചിത്രം വീണ്ടും ബിഗ് സ്ക്രീനിലേക്ക് എത്തുന്നത്. ആദ്യം റീ റിലീസ് ചെയ്തപ്പോൾ 33 കോടി ആയിരുന്നു സിനിമ ആഗോള തലത്തിൽ നേടിയത്. ഈ വരവിൽ ആ നേട്ടത്തെ സിനിമയ്ക്ക് മറികടക്കാനാകുമോ എന്നാണ് എല്ലാവരും ഉറ്റുനോക്കുന്നത്. തമിഴ് സിനിമയില് ഏറ്റവുമധികം ആരാധകരുടെ താരത്തിന്റെ ചിത്രമാണെങ്കിലും നിര്മ്മാതാക്കളുടെ പ്രതീക്ഷകള്ക്കും അപ്പുറത്തേക്ക് പോയി ബോക്സ് ഓഫീസില് ചിത്രം.
கச்சேரி அப்புறம் ஆடலாம்…
— Sakthi Film Factory (@SakthiFilmFctry) February 16, 2026
இப்போ கபடி ஆடலாமா! 🔥
Due to theatre owners’ request,#Ghilli Re-Release from February 20 🔥@actorvijay @trishtrashers @MegaSuryaProd @SakthiFilmFctry @sakthivelan_b @Jagadishbliss @TheRoute #GhilliReRelease pic.twitter.com/PYOuq2q1Tu
റീ റിലീസിൽ തമിഴ്നാട്ടില് നിന്ന് മാത്രം ചിത്രം നേടിയത് 22 കോടിയാണ്. കര്ണാടകത്തില് നിന്ന് 1.35 കോടിയും കേരളത്തില് നിന്ന് 50 ലക്ഷവും. മറ്റ് സംസ്ഥാനങ്ങളില് നിന്ന് 20 ലക്ഷവും. വിദേശത്തും ചിത്രത്തിന് കാര്യമായ റിലീസ് ഉണ്ടായിരുന്നു. യൂറോപ്യന് മാര്ക്കറ്റില് നിന്നാണഅ വിദേശത്ത് ഏറ്റവുമധികം കളക്ഷന് എത്തിയിരിക്കുന്നത്. 3.4 ലക്ഷം ഡോളര്. വിദേശത്തുനിന്ന് ആകെ 6.5 കോടി രൂപയാണ് ചിത്രത്തിന് നേടാനായത്. വന് സാമ്പത്തിക വിജയം നേടുകയും ചെയ്ത ചിത്രം വിജയ്യുടെ താരമൂല്യത്തെയും പ്രതിഫലത്തെയും ഒരുപോലെ ഉയര്ത്തി. 8 കോടി ബജറ്റിലെത്തിയ ചിത്രം വിജയ്യുടെ ആദ്യ 50 കോടി ക്ലബ്ബ് ചിത്രവുമാണ്. ധരണി രചനയും സംവിധാനവും നിര്വ്വഹിച്ച ചിത്രത്തില് തൃഷ ആയിരുന്നു നായിക. പ്രകാശ് രാജ്, ആശിഷ് വിദ്യാര്ഥി തുടങ്ങിയവരും പ്രധാന കഥാപാത്രങ്ങളായെത്തി.
Content Highlights: Thalapathy Vijay's hit film Ghilli all set for a re release again in february
