Top

രൺബീറിന്റെ ബിഗ് ബജറ്റ് ചിത്രം 'ബ്രഹ്മാസ്ത്ര'; ദക്ഷിണേന്ത്യൻ പതിപ്പുകൾ എത്തിക്കാൻ രാജമൗലി

അയൻ മുഖർജിയാണ് ചിത്രം സംവിധാനം ചെയ്യുന്നത്.

18 Dec 2021 7:49 AM GMT
ഫിൽമി റിപ്പോർട്ടർ

രൺബീറിന്റെ ബിഗ് ബജറ്റ് ചിത്രം ബ്രഹ്മാസ്ത്ര; ദക്ഷിണേന്ത്യൻ പതിപ്പുകൾ എത്തിക്കാൻ രാജമൗലി
X

രൺബീർ കപൂർ, അമിതാഭ് ബച്ചൻ, അലി ആബട്ട് എന്നിവർ കേന്ദ്ര കഥാപാത്രങ്ങളാകുന്ന ബിഗ് ബജറ്റ് ചിത്രം ബ്രഹ്മാസ്ത്ര' കഴിഞ്ഞ ദിവസം അന്നൗൻസ് ചെയ്തിരുന്നു. ഇപ്പോഴിതാ സിനിമയുടെ ദക്ഷിണേന്ത്യൻ വിതരണാവകാശം എസ് എസ് രാജമൗലി ഏറ്റെടുത്തിരിക്കുകയാണ്. ഹിന്ദിയ്ക്ക് പുറമെ തമിഴ്, തെലുങ്ക്, കന്നഡ, മലയാളം ഭാഷകളിലാണ് ചിത്രം എത്തുന്നത്.

'ലോകമെമ്പാടുമുള്ള നാല് ദക്ഷിണേന്ത്യൻ ഭാഷകളിൽ ബ്രഹ്മാസ്ത്രം പ്രേക്ഷകർക്കായി അവതരിപ്പിക്കുന്നതിൽ എനിക്ക് സന്തോഷമുണ്ട്. ബ്രഹ്മാസ്ത്രം എന്ന ആശയം സവിശേഷമാണ്, അത് അതിന്റെ കഥയിലും അവതരണത്തിലും പ്രതിഫലിക്കുന്നു. പല തരത്തിൽ, അത് എന്നെ ബാഹുബലിയെ ഓർമ്മിപ്പിക്കുന്നു. സ്നേഹത്തിന്റെയും അഭിനിവേശത്തിന്റെയും അധ്വാനമാണ് സിനിമ. ബാഹുബലിക്ക് വേണ്ടി ഞാൻ ചെയ്തതുപോലെ, ബ്രഹ്മാസ്ത്രം നിർമ്മിക്കാൻ അയൻ സമയം ചെലവഴിക്കുന്നത് ഞാൻ കണ്ടിട്ടുണ്ട്. ആധുനിക സാങ്കേതികവിദ്യയും, അത്യാധുനിക വിഎഫ്‌എക്‌സും ഉപയോഗിച്ച് പുരാതന ഇന്ത്യൻ സംസ്‌കാരത്തിൽ നിന്നുള്ള പ്രമേയങ്ങളെ സിനിമ ഭംഗിയോടെ സംയോജിപ്പിക്കുന്നു! എനിക്ക് മനസിലാക്കാൻ കഴിയുന്ന ഒരു ചലച്ചിത്ര നിർമ്മാണ യാത്രയാണ് ബ്രഹ്മാസ്ത്ര', രാജമൗലി പറഞ്ഞു.





അയൻ മുഖർജിയാണ് ചിത്രം സംവിധാനം ചെയ്യുന്നത്. ഫോക്‌സ് സ്റ്റാർ സ്റ്റുഡിയോസ്, ധർമ്മ പ്രൊഡക്ഷൻസ്, പ്രൈം ഫോക്കസ്, സ്റ്റാർലൈറ്റ് പിക്‌ചേഴ്‌സ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. നാഗാർജുന അക്കിനേനി, മൗനി റോയ് എന്നിവരും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. 2022 സെപ്തംബർ 9ന് ചിത്രം റിലീസ് ചെയ്യും.

Next Story