LIVE TV
കഴിഞ്ഞ കുറച്ച് വര്ഷങ്ങളായി സ്മാര്ട്ട് വാച്ചുകളുടെ ജനപ്രീതി വര്ദ്ധിച്ചുവരുന്നുണ്ട്. ഇതിന് പിന്നിലെ ഏറ്റവും പ്രധാനപ്പെട്ട കാരണം ആരോഗ്യ, ഫിറ്റ്നസ് ട്രാക്കിംഗ് ആണ്. ആളുകള് നടക്കുന്ന ചുവടുകളുടെ എണ്ണം, കലോറികള് ബേണ് ചെയ്യുന്നത്, സമ്മര്ദ്ദ നില, ഉറക്കത്തിന്റെ അളവ് തുടങ്ങി നിരവധി കാര്യങ്ങള് സ്മാര്ട്ട് വാച്ചുകള്ക്ക് ട്രാക്ക് ചെയ്യാന് കഴിയും. എങ്കിലും സ്മാര്ട്ട് വാച്ചുകളുടെ കണ്ടെത്തലുകള് എല്ലായ്പ്പോഴും കൃത്യമാകണമെന്നില്ല. സ്മാര്ട്ട് വാച്ചുകള് ട്രാക്ക് ചെയ്യുന്ന ഈ ഡാറ്റ കണ്ടെത്തുന്നതില് ഹൃദയമിടിപ്പ് നിര്ണായക പങ്ക് വഹിക്കുന്നു.
സ്മാര്ട്ട് വാച്ചുകള്ക്ക് നിങ്ങളുടെ Resting heart rate (വിശ്രമ ഹൃദയമിടിപ്പ് ) നിരീക്ഷിക്കാന് കഴിയും. ഇത് ഹൃദയമിടിപ്പിലെ മാറ്റങ്ങള്, സമ്മര്ദ്ദം, ഒരാളുടെ പ്രവര്ത്തന നില എന്നിവ വിലയിരുത്താന് സഹായിക്കുന്നു. റെസ്റ്റിംഗ് ഹാര്ട്ട് റേറ്റിന് ഹൃദയത്തെയും ഫിറ്റ്നസ് നിലയെയും കുറിച്ചുള്ള വിവരങ്ങള് നല്കാനും കഴിയും. ഒരു സ്മാര്ട്ട് വാച്ച് ഹൃദയമിടിപ്പ് എങ്ങനെ അളക്കുന്നുവെന്ന് പലരും ചിന്തിച്ചേക്കാം.അതിന് പിന്നിലെ സാങ്കേതികത എന്താണെന്ന് നോക്കാം.
ഓരോ സ്മാര്ട്ട് വാച്ചുകളുടെയും ഹൃദയമിടിപ്പ് അളക്കല് രീതികള് പല തരത്തില് വ്യത്യാസപ്പെട്ടിരിക്കുന്നു. ചില മോഡലുകളിലുള്ള വാച്ചുകളില് സിരകളിലൂടെയുള്ള രക്തയോട്ടം അളക്കാന് പച്ച ലൈറ്റ് ഉപയോഗിക്കുന്ന PPG (ഫോട്ടോപ്ലെത്തിസ്മോഗ്രാഫി) ഒപ്റ്റിക്കല് ഹാര്ട്ട് റേറ്റ് മോണിറ്റര് ഉപയോഗിക്കുന്നു. പല മോഡലുകളിലും ഒരു ECG (ഇലക്ട്രോകാര്ഡിയോഗ്രാം) ഹാര്ട്ട് റേറ്റ് സെന്സറും ഉണ്ട്. ഇത് ഹൃദയമിടിപ്പ് നിര്ണ്ണയിക്കാന് രക്തത്തിലെ വൈദ്യുത സിഗ്നലുകള് അളക്കുന്നു.
സ്മാര്ട്ട് വാച്ചുകളില് സാധാരണയായി കാണപ്പെടുന്ന ഹൃദയമിടിപ്പ് മോണിറ്ററാണ് പിപിജി. രക്തത്തിന്റെ അളവിലുള്ള മാറ്റങ്ങള് കണ്ടെത്താന് ഈ മോണിറ്റര് സെന്സറുകള് ഉപയോഗിക്കുന്നു. രക്തം ചര്മ്മത്തിലേക്കും മറ്റ് അവയവങ്ങളിലേക്കും കൈമാറ്റം ചെയ്യപ്പെടുമ്പോള് രക്തക്കുഴലുകള് ഹൃദയമിടിപ്പിനൊപ്പം വികസിക്കുകയും ചുരുങ്ങുകയും ചെയ്യുന്നു. സ്മാര്ട്ട് വാച്ചിലെ PPG Heart Rate Monitor ചര്മ്മത്തിലേക്ക് പച്ച വെളിച്ചം പ്രകാശിപ്പിക്കുകയും പ്രതിഫലിക്കുന്ന പ്രകാശത്തിന്റെ അളവ് രേഖപ്പെടുത്തുകയും ചെയ്യുന്നു. തുടര്ന്ന് ഈ നമ്പര് സ്ക്രീനില് വായിക്കാവുന്ന ഫോര്മാറ്റില് പ്രദര്ശിപ്പിക്കും. ഒരു സിരയില് രക്തം നിറയുമ്പോള് അത് പച്ച വെളിച്ചം പൂര്ണ്ണമായും ആഗിരണം ചെയ്യുന്നു. ഒരു രക്തക്കുഴലില് രക്തം നിറയുമ്പോഴും അത് ശൂന്യമാകുമ്പോഴും സ്മാര്ട്ട് വാച്ചിന് കണ്ടെത്തുന്നത് ഇത് എളുപ്പമാക്കുന്നു.
പ്രീമിയം സ്മാര്ട്ട് വാച്ചുകളിലാണ് ഇസിജി ഹൃദയമിടിപ്പ് മോണിറ്ററുകള് സാധാരണയായി ഉപയോഗിക്കുന്നത്. ഹൃദയമിടിപ്പ് നിയന്ത്രിക്കുന്ന വൈദ്യുത സിഗ്നലുകളെ ഈ ഹാര്ട്ട് മോണിറ്ററുകള് അളക്കുന്നു. ഇതിന് വാച്ചിന്റെ സെന്സര് ചര്മ്മവുമായി സമ്പര്ക്കം പുലര്ത്തേണ്ടതുണ്ട്. സെന്സര് ചര്മ്മവുമായി സമ്പര്ക്കം പുലര്ത്തുമ്പോള് ഹൃദയമിടിപ്പും സമയവും നിര്ണ്ണയിക്കാന് ഇത് വൈദ്യുത മാറ്റങ്ങള് അളക്കുന്നു. 'ഏട്രിയല് ഫൈബ്രിലേഷന്' പോലുള്ള ഹൃദയമിടിപ്പ് ക്രമക്കേടുകളും ഈ മോണിറ്ററുകള്ക്ക് കണ്ടെത്താനാകും. പിപിജി മോണിറ്ററുകള്ക്ക് ഈ സവിശേഷതയില്ല.
ഇസിജി ഹാര്ട്ട്റേറ്റ് മോണിറ്ററുകള് കൂടുതല് കൃത്യമാണെന്ന് വിദഗ്ദ്ധര് വിശ്വസിക്കുന്നു. ചര്മ്മത്തില് ടാറ്റൂകള് പതിപ്പിച്ചിട്ടുണ്ടെങ്കിലോ, ഇരുണ്ട ചര്മ്മമോ, കൈ ചലനങ്ങളിലെ മാറ്റങ്ങളോ തുടങ്ങിയ ഘടകങ്ങള് പിപിജി മോണിറ്ററുകളുടെ കൃത്യതയെ ബാധിച്ചേക്കാം. അതുകൊണ്ട് കൃത്യമായ ഹൃദയമിടിപ്പ് അറിയണമെങ്കില് ഇസിജി മോണിറ്ററുള്ള ഒരു സ്മാര്ട്ട് വാച്ച് വാങ്ങുന്നതായിരിക്കും ഗുണപ്രദം.
നമ്മുടെ രക്തത്തില് ഹീമോഗ്ലോബിന് അടങ്ങിയിരിക്കുന്നു. ഓക്സിജനുമായി സമ്പര്ക്കം പുലര്ത്തുമ്പോള് അത് ചുവപ്പായി മാറുന്നു. ഇത് പ്രകാശത്തിന്റെ ഭൂരിഭാഗവും ആഗിരണം ചെയ്യുകയും ഒരു പ്രത്യേക തരംഗദൈര്ഘ്യമുള്ള പ്രകാശത്തെ മാത്രം പ്രതിഫലിപ്പിക്കുകയും ചെയ്യുന്നു. ഏതൊരു ചുവന്ന വസ്തുവും പച്ച വെളിച്ചത്തെ പൂര്ണ്ണമായും ആഗിരണം ചെയ്യുന്നു. അതിനാല്, ഒരു രക്തക്കുഴല് രക്തത്താല് നിറയുമ്പോള് അത് പച്ച വെളിച്ചത്തെ പൂര്ണ്ണമായും ആഗിരണം ചെയ്യുന്നു. രക്തക്കുഴല് നിലവില് രക്തത്താല് നിറഞ്ഞിരിക്കുന്നുവെന്ന് മോണിറ്ററിന് അറിയാന് സഹായിക്കുന്നു. എന്നാല് പ്രകാശം പ്രതിഫലിക്കുമ്പോള് രക്തക്കുഴല് ഇതുവരെ പൂര്ണ്ണമായും രക്തത്താല് നിറഞ്ഞിട്ടില്ലെന്ന് ഇത് സൂചിപ്പിക്കുന്നു. മാത്രമല്ല മറ്റ് നിറങ്ങളിലുള്ള പ്രകാശത്തെപ്പോലെ പച്ച വെളിച്ചത്തിന് ചര്മ്മത്തില് ആഴത്തില് തുളച്ചുകയറാന് കഴിയില്ല. അതിനാല് സ്മാര്ട്ട് വാച്ച് ശരീരത്തിന്റെ ഉപരിതലത്തില് നിന്ന് റീഡിംഗുകള് എടുക്കുന്നു. ഇത് കൃത്യമായ അളവുകള് നല്കുന്നു.
Content Highlights : Smartwatches can monitor your resting heart rate. This helps assess changes in heart rate, stress levels, and activity levels. Resting heart rate can also provide information about heart health and fitness levels.
