LIVE TV
നിങ്ങളുടെ ഫോണില് പുതിയ ഒരു ആപ്പ് ഇന്സ്റ്റാള് ചെയ്യുമ്പോള് ക്യാമറ, മൈക്രോഫോണ്, സന്ദേശങ്ങള്, കോണ്ടാക്റ്റുകള് എന്നിവയുള്പ്പെടെ വിവിധ അനുമതികള് അത് ആവശ്യപ്പെടുന്നു. ആപ്പിന്റെ പ്രവര്ത്തനത്തിന് ഈ അനുമതികളില് ചിലത് ആവശ്യമാണ്. അതുപോലെതന്നെ ചിലതൊക്കെ അനാവശ്യവുമാണ്. മിക്ക ആളുകളും ഇതേക്കുറിച്ചൊന്നും ചിന്തിക്കാതെ ആപ്പുകള്ക്ക് എല്ലാ അനുമതികളും നല്കുന്നു. നിങ്ങള് അങ്ങനെയുള്ള ഒരാളാണെങ്കില് ആ ശീലം മാറ്റേണ്ടതുണ്ട്. സുരക്ഷയ്ക്കും സ്വകാര്യതയ്ക്കും വേണ്ടി ആപ്പുകള് ഇന്സ്റ്റാള് ചെയ്യുമ്പോള് ഏതൊക്കെ അനുമതികളാണ് നിരസിക്കേണ്ടതെന്ന് അറിയാം.
disabilities ഉള്ള ഉപയോക്താക്കളെ സഹായിക്കുന്നതിനാണ് (Accessibility Access) 'ആക്സസിബിലിറ്റി ആക്സസ്' രൂപകല്പ്പന ചെയ്തിരിക്കുന്നത്. വാചകം ഉറക്കെ വായിക്കുന്നത് പോലുള്ള സവിശേഷതകള് ഇത് നല്കുന്നു. എന്നിരുന്നാലും, വിശ്വസനീയമല്ലാത്ത ഒരു ആപ്പിന് ഈ അനുമതി നല്കിയാല് നിങ്ങളുടെ സ്ക്രീനില് സംഭവിക്കുന്ന എല്ലാ പ്രവര്ത്തനങ്ങളും ഇതിന് കാണാന് കഴിയും. നിങ്ങളുടെ പാസ്വേഡുകളും സന്ദേശങ്ങളും വായിക്കാനും നിങ്ങളുടെ പേരില് ഇടപാടുകള് നടത്താനും പോലും കഴിയും. അതിനാല് ആവശ്യമില്ലെങ്കില് ആക്സസിബിലിറ്റി പെര്മിഷന് നല്കാതിരിക്കാന് ശ്രദ്ധിക്കുക.
ഇതിനെ 'Appear on top' , 'display on top of other apps' or 'draw on top of other apps'
എന്നൊക്കെ വിളിക്കാം. ഈ അനുമതി നല്കിയാല് ഒരു ആപ്പിന് മറ്റൊരു സജീവ ആപ്പിന് മുകളില് അതിന്റെ ഉള്ളടക്കം പ്രദര്ശിപ്പിക്കാന് കഴിയും. പ്രായോഗികമായി ഇത് അപകടകരമല്ല. പക്ഷേ സംശയാസ്പദമായ ഒരു ആപ്പിന് ഈ അനുമതി ലഭിക്കുകയാണെങ്കില് ബാങ്കിംഗ് അല്ലെങ്കില് സോഷ്യല് മീഡിയ ആപ്പുകളില് വ്യാജ ലോഗിന് സ്ക്രീനുകള് പ്രദര്ശിപ്പിച്ച് നിങ്ങളുടെ ബാങ്കിംഗ് വിശദാംശങ്ങളോ ക്രെഡന്ഷ്യലുകളോ മോഷ്ടിക്കാന് ഇതിന് കഴിയും.
ഈ അനുമതി നല്കുന്നത് അപകടസാധ്യതകള് സൃഷ്ടിച്ചേക്കാം. ഗൂഗിള് പ്ലേ സ്റ്റോറിന് പുറത്തുള്ള അജ്ഞാതമോ സംശയാസ്പദമോ ആയ ഉറവിടങ്ങളില് നിന്ന് ആപ്പുകള് ഇന്സ്റ്റാള് ചെയ്യാന് ഈ സവിശേഷത ആപ്പുകളെ അനുവദിക്കുന്നു. മാല്വെയര് പ്രചരിപ്പിക്കാന് സൈബര് കുറ്റവാളികള് പലപ്പോഴും ഈ വഴി ഉപയോഗിക്കുന്നു. അതിനാല്, അജ്ഞാത ഉറവിടങ്ങളില് നിന്ന് APK ഫയലുകള് ഡൗണ്ലോഡ് ചെയ്യുന്നത് ഒഴിവാക്കണം.
ഒരു ആപ്പ് കോണ്ടാക്റ്റുകളും എസ്എംഎസും ഉപയോഗിക്കാന് അനുമതി ചോദിക്കുന്നുവെങ്കില് അത് നല്കരുത്. കോണ്ടാക്റ്റുകളിലും എസ്എംഎസിലും വളരെ സ്വകാര്യമായ വിവരങ്ങളാണ് അടങ്ങിയിരിക്കുന്നത്. കോണ്ടാക്റ്റുകളില് ഫോണ് നമ്പറുകള് മാത്രമല്ല ഇമെയില് വിലാസങ്ങളും മറ്റ് വ്യക്തിഗത വിവരങ്ങളും ഉള്പ്പെടുന്നു. ബാങ്ക് ഒടിപികള്, സ്വകാര്യ സംഭാഷണങ്ങള് തുടങ്ങിയ വിവരങ്ങളും എസ്എംഎസില് അടങ്ങിയിരിക്കുന്നു. അവ തെറ്റായ കൈകളില് അകപ്പെട്ടാല് ദുരുപയോഗം ചെയ്യപ്പെട്ടേക്കാം.
Content Highlights :When installing an app on your phone, you need to be very careful about the permissions you grant. Some apps ask for unnecessary permissions. This can lead to data theft.
