Get the latest news at
your fingertips!
Download our app now
LIVE TV
Search
500 രൂപ ട്രാഫിക് പിഴയടക്കണം എന്ന് കാണിച്ച് ലഭിച്ച ടെക്സ്റ്റ് മെസേജിലൂടെ ഒരാള്ക്ക് നഷ്ടപ്പെട്ടത് ആറ് ലക്ഷത്തോളം രൂപ. തെലങ്കാന ടുഡേ റിപ്പോര്ട്ട് ചെയ്ത വാര്ത്തയിലാണ് ഇക്കാര്യം പറയുന്നത്. ഇയാളുടെ ഫോണിലേക്ക് ടെക്സ്റ്റ് മെസേജായാണ് സന്ദേശം ലഭിക്കുന്നത്. സന്ദേശത്തോടൊപ്പം ഒരു ലിങ്കും ഉണ്ടായിരുന്നു. നല്കിയ ലിങ്കില് ക്ലിക്ക് ചെയ്ത് പണം അടയ്ക്കാന് ശ്രമിച്ചപ്പോള് തട്ടിപ്പുകാര് അയാളുടെ ഫോണ് ഹാക്ക് ചെയ്ത് അനധികൃതമായി പണമിടപാടുകള് നടത്തുകയായിരുന്നു. വാഹന ഉടമകളെ ലക്ഷ്യം വച്ച് തട്ടിപ്പുകാര് വ്യാജ ചെലാന് സന്ദേശങ്ങള് എങ്ങനെ ഉപയോഗിക്കുന്നു എന്നാണ് ഈ സംഭവം വ്യക്തമാക്കുന്നത്.
സര്ക്കാര് പോര്ട്ടലുകളിലേതിന് സമാനമായ വ്യാജ വെബ്സൈറ്റ് ലിങ്കുകളാണ് തട്ടിപ്പുകാര് സന്ദേശമായി നല്കുന്നത്. ഇത്തരം ലിങ്കുകള് ഫോണില് ദോഷകരമായ സോഫ്റ്റ് വെയര് ഇന്സ്റ്റാള് ചെയ്യാനും ഇടയാക്കും. ഇതുവഴി തട്ടിപ്പുകാര്ക്ക് ഒരാളുടെ ഫോണ് നിയന്ത്രിക്കാനും സാമ്പത്തിക ആപ്പുകള് ആക്സസ് ചെയ്യാനും കഴിയും.
Content Heighlight: Man who paid Rs 500 traffic fine loses Rs 6 lakh; How to identify fraudsters
