Top

'ദുബായ് ഈസ് ബാക്ക്'; എയർഷോ 2021 ൽ ശൈഖ് മുഹമ്മദ് ബിൻ റാഷിദ് അൽ മക്തൂം

15 Nov 2021 8:49 AM GMT
റിപ്പോർട്ടർ നെറ്റ്‌വർക്ക്

ദുബായ് ഈസ് ബാക്ക്; എയർഷോ 2021 ൽ ശൈഖ് മുഹമ്മദ് ബിൻ റാഷിദ് അൽ മക്തൂം
X

ദുബായ് എയർഷോ 2021 ഉദ്ഘാടനം ചെയ്ത് ദുബായ് കിരീ‌ടാവകാശി ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. നവംബർ 14 മുതൽ 18 വരെ അൽ മക്തൂം ഇന്റർനാഷണൽ എയർപോർട്ടിലാണ് എയർഷോ നടക്കുന്നത്. ദുബായു‌ടെ തിരിച്ചു വരവാണിതെന്നാണ് ഈ വമ്പൻ ഷോയെ പറ്റി ദുബായ് ഭരണാധികാരിയും യുഎഇ വൈസ് പ്രസിഡന്റും പ്രധാനമന്ത്രിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം അഭിപ്രായപ്പെ‌‌ട്ടത്.

ദുബായ് തിരിച്ചു വന്നിരിക്കുന്നു. ആ​ഗോള ഏവിയേഷൻ മേഖലയു‌ടെ തിരിച്ചു വരവ് യുഎഇയിലൂ‌ടെയും ദുബായിലൂടെയുമാണ്. അതിന്റെ ഭാവി, സാമ്പത്തികം, സംസ്കാരം എന്നിവയെ പറ്റി സംസാരിക്കാൻ ലോകം എമിറേറ്റിൽ ഒത്തുകൂ‌ടിയിരിക്കുകയാണ്. എല്ലാവർക്കും സ്വാ​ഗതം, ദുബായ് ഭരണാധികാരി ‌‌ട്വീറ്റ് ചെയ്തു.

എയർഷോയു‌ടെ ആദ്യ ദിനത്തിൽ യൂറോപ്യൻ എയർ ക്രാഫ്റ്റ് നിർമാതാക്കളായ എയർബസാണ് താരമായത്. യുഎസിലെ ഇൻഡി​ഗോ പാർട്ട്ണേർസിൽ നിന്നും 225 വിമാനങ്ങൾക്കായുള്ള വലിയ കരാർ ഇവർക്ക് ലഭിച്ചു.

Next Story