LIVE TV
ചെന്നൈ: മധുരയിലെ തനിഷ്‌ക് ജ്വല്ലറി മോഷണക്കേസില്‍ രണ്ടുപേര്‍ അറസ്റ്റില്‍. മുഖ്യപ്രതി നിഷാന്തിന്റെ അച്ഛൻ സുരേഷ്, സുഹൃത്ത് മീനാക്ഷി എന്നിവരാണ് പിടിയിലായത്. സോഷ്യല്‍ മീഡിയ ഇന്‍ഫ്‌ളുവന്‍സറാണ് മീനാക്ഷി. നിഷാന്ത് മോഷണത്തിന് ശേഷം ചെന്നൈയിലേക്ക് പോയെന്നാണ് കുടുംബത്തിന്റെ മൊഴി. ഇയാൾക്കായി പൊലീസ് തെരച്ചില്‍ ഊര്‍ജിതമാക്കിയിട്ടുണ്ട്.
ഒക്ടോബർ 14-നാണ് മധുരയിൽ തനിഷ്‌ക് ജ്വല്ലറി പ്രവർത്തനം ആരംഭിച്ചത്. കഴിഞ്ഞ ബുധനാഴ്ച രാത്രിയായിരുന്നു മുഖംമൂടി ധരിച്ചെത്തിയ മോഷ്ടാവ് 50 കോടിയുടെ സ്വർണവും വജ്രാഭരണങ്ങളും മോഷ്ടിച്ചത്. മോഷണം നടന്ന് മണിക്കൂറുകൾ കഴിഞ്ഞാണ് സംഭവം പുറംലോകമറിഞ്ഞത്.
വ്യാഴാഴ്ച രാവിലെ ജീവനക്കാർ ഷോറൂമിലെത്തിയപ്പോഴാണ് ആഭരണങ്ങൾ മോഷ്ടിക്കപ്പെട്ട വിവരം അറിയുന്നത്. മുഖംമൂടി ധരിച്ച മോഷ്ടാവ് ഇരുചക്രവാഹനത്തിൽ രക്ഷപ്പെടുന്നത് സിസിടിവി ദൃശ്യങ്ങൾ പരിശോധിച്ചതിൽ നിന്നും വ്യക്തമായിയിരുന്നു. നാല് നിലകളുള്ള കെട്ടിടത്തിന്റെ പിൻഭാഗത്ത് നിർമ്മാണ പ്രവർത്തനങ്ങൾക്കായി തട്ടുകൾ കെട്ടിയിരുന്നു. കവർച്ച നടന്ന ഒന്നാം നില ഉൾപ്പെടെ കെട്ടിടത്തിന്റെ നിർമ്മാണ പ്രവർത്തനങ്ങൾ ഇപ്പോഴും പൂർത്തിയായിട്ടില്ല.
Content Highlights:madurai tanishq jewellery theft case two accused arrested latest update
