LIVE TV
കാസര്‍കോട്: വ്‌ളോഗര്‍ ഹൈദര്‍ മധൂര്‍ ലഹരിയുമായി പിടിയില്‍. എംഡിഎംഎയുമായാണ് ഹൈദര്‍ മധൂര്‍ പിടിയിലായത്. കാസര്‍കോട് പൊലീസ് മേധാവിയുടെ കീഴിലുള്ള ഡാന്‍സാഫ് സംഘവും വിദ്യാനഗര്‍ പൊലീസും ചേര്‍ന്നാണ് ഇയാളെ പിടികൂടിയത്. വാഹന പരിശോധനക്കിടെ ഇയാളില്‍ നിന്ന് ലഹരി കണ്ടെത്തുകയായിരുന്നു. 3.61 ഗ്രാം എംഡിഎംഎ ഇയാളില്‍ നിന്ന് പിടിച്ചെടുത്തു.
വെള്ളിയാഴ്ച വൈകിട്ട് ആറരയോടെയായിരുന്നു ഹൈദര്‍ പിടിയിലാകുന്നത്. മധൂറിലെ ജുമാ മസ്ജിദ് പരിസരത്ത് പൊലീസ് വാഹന പരിശോധന നടത്തിയിരുന്നു. പരിശോധനയില്‍ ഹൈദറിനെ പിടികൂടുകയും പോക്കറ്റില്‍ നിന്ന് എംഡിഎംഎ കണ്ടെത്തുകയായിരുന്നു. സ്വന്തം ആവശ്യത്തിനും വില്‍പ്പനയ്ക്കമായി സൂക്ഷിച്ചതാണ് ലഹരിയെന്നാണ് ഇയാള്‍ പൊലീസിനോട് പറഞ്ഞത്. രഹസ്യ വിവരത്തെ തുടര്‍ന്ന് കഴിഞ്ഞ കുറച്ചുനാളായി ഡാന്‍സാഫ് സംഘത്തിന്റെ നിരീക്ഷണത്തിലായിരുന്നു ഹൈദര്‍ മധൂര്‍.
Content Highlights- Vlogger Hyder Madhur has reportedly been arrested in connection with a drug-related case. The headline states that he was caught with narcotics. Further details about the arrest, the substance seized and the police investigation have not been provided.
