LIVE TV
തിരുവനന്തപുരം: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ ഐക്യദാർഢ്യ പ്രതിഷേധത്തിൽ നരേന്ദ്ര മോദിയെയും അമിത് ഷായെയും രൂക്ഷമായി വിമർശിച്ച് പ്രകാശ് രാജ്. മോദിയും അമിത് ഷായും പേടിച്ച് നിൽക്കുകയാണെന്നും നമ്മൾ ഇനിയും പ്രതിഷേധം തുടരുമെന്നും പ്രകാശ് രാജ് പറഞ്ഞു. നേതാക്കൾ നയിക്കുന്ന സമരമല്ല ഇതെന്നും നാടിന്റെ യുവത്വമാണ് സമരത്തിന് നേതൃത്വം നൽക്കുന്നതെന്നും പ്രകാശ് രാജ് പറഞ്ഞു. ഒരു അഭിജിത്തിനെ നിങ്ങൾ അറസ്റ്റ് ചെയ്തു. നൂറുകണക്കിന് അഭിജിത്തുമാരുണ്ട് സമരത്തിൽ. ഭീരുക്കൾ പാറ്റയെ പേടിക്കുന്നു. നമ്മുടെ കുട്ടികളെയും യുവാക്കളെയും അടിക്കാൻ ലാത്തി നൽകുന്നു. വനിതാ സമരക്കാരോട് മോശമായി പെരുമാറാൻ പൊലീസിന് അധികാരം നൽകുന്നുവെന്നും പ്രകാശ് രാജ് കുറ്റപ്പെടുത്തി.
ധൈര്യം ഉണ്ടെങ്കിൽ സമരക്കാർക്ക് മുന്നിൽ ഗ്യാനേഷ് കുമാറുമായി വന്നു നിൽക്കാൻ കഴിയുമോ എന്നും പ്രകാശ് രാജ് ചോദിച്ചു. അവർ ജന്തർ മന്തറിൽ അനുമതി നിഷേധിച്ചു. പക്ഷെ ഇവിടെയും ഇപ്പോൾ ജന്തർ മന്തറാണ്. രാജ്യം മുഴുവൻ ജന്തർ മന്തർ ആകുമെന്നും പ്രകാശ് രാജ് പറഞ്ഞു. ഗ്യാനേഷ് കുമാറിനോട് കേന്ദ്രത്തിന് ഭയമാണെന്നും കേന്ദ്രത്തിനായി ഗ്യാനേഷ് വഴിവിട്ട ഇടപാടുകൾ നടത്തിയതാണ് അതിന് കാരണമെന്നും പ്രകാശ് രാജ് പറഞ്ഞു. ധൈര്യം ഉണ്ടെങ്കിൽ സമരക്കാർക്ക് മുന്നിൽ ഗ്യാനേഷ് കുമാറുമായി വന്നു നിൽക്കാൻ കഴിയുമോ എന്ന് വെല്ലുവിളിക്കുന്നുവെന്നും അഭിജീത് ദീപ്കെ വ്യക്തമാക്കി. അവർ ജന്തർ മന്തറിൽ അനുമതി നിഷേധിച്ചു പക്ഷെ ഇവിടെയും ഇപ്പോൾ ജന്തർ മന്തറാണ് എന്നും പ്രകാശ് രാജ് പറഞ്ഞു.
ഇതൊരു രാഷ്ട്രീയ പോരല്ലെന്നും രാജ്യത്തെ പൗരന്മാരുടെ പോരാട്ടമാണെന്നും അത് ജനാധിപത്യപ്രക്രിയ തിരിച്ചു പിടിക്കാനുള്ള പോരാട്ടമാണെന്നും പ്രകാശ് രാജ് വ്യക്തമാക്കി. സ്വാതന്ത്രസമര പോരാട്ടത്തിൽ യാതൊരു ബന്ധവുമില്ലാത്ത ആർഎസ്എസും ബിജെപിയുമാണ് വന്ദേമാതരത്തിനായി വാദിക്കുന്നത്. നരേന്ദ്രമോദി റീൽസ് കിങാണെന്ന് നരേന്ദ്രമോദിയുടെ 'ഫ്രണ്ട്‌സ് റീൽ' പരാമർശിച്ച് പ്രകാശ് രാജ് വ്യക്തമാക്കി.
ഈ സമരം രാജ്യം മുഴുവൻ അലയടിക്കുമെന്നും ഇതിൽ നാം തളരില്ലെന്നും പ്രകാശ് രാജ് പറഞ്ഞു. നമ്മൾ ഈ രാജ്യത്തെ വീണ്ടെടുക്കും പുതിയ ഇന്ത്യയെ സൃഷ്ടിക്കാനുള്ള ഉത്തരവാദിത്തം നിങ്ങളുടെ കയ്യിൽ ആണ്. പെൺകുട്ടിയുടെ പേര് നൽകാം. പീഡനം നടന്നില്ലെന്ന് പൊലീസ് സ്ഥിരീകരിച്ചു. പേടിക്കാതെ മുന്നോട്ട് പോകണമെന്നും പ്രകാശ് രാജ് ആഹ്വാനം ചെയ്തു. മോദിയോടും, അമിത് ഷായോടും ബിജെപിയോടും നിങ്ങളാണ് യഥാർത്ഥ രാജ്യദ്രോഹികൾ എന്ന് പറയണമെന്നും പ്രകാശ് രാജ് വ്യക്തമാക്കി.
Content Highlights: Actor Prakash Raj has criticised Prime Minister Narendra Modi and Union Home Minister Amit Shah, claiming they are afraid and asserting that the protests will continue
