LIVE TV
തിരുവനന്തപുരം: ബിശ്വനാഥ് സിന്ഹ പുതിയ ചീഫ് സെക്രട്ടറിയാകും. ഇന്ന് നടന്ന മന്ത്രിസഭാ യോഗത്തിലാണ് തീരുമാനം. നിലവില് ആഭ്യന്തരവകുപ്പ് അഡീ. ചീഫ് സെക്രട്ടറിയാണ്. 1991 ബാച്ച് ഐഎഎസ് ഉദ്യോഗസ്ഥനാണ് ബിശ്വനാഥ് സിന്ഹ.
ധനകാര്യവകുപ്പ് അഡീഷണല് ചീഫ് സെക്രട്ടറിയായും പ്രവര്ത്തിച്ചിട്ടുണ്ട്. സ്റ്റോര് പര്ചേസ് വകുപ്പിന്റെ അഡീഷണല് ചീഫ് സെക്രട്ടറി, റീബില്ഡ് കേരളയുടെ ചീഫ് എക്സിക്യൂട്ടീസ് ഓഫീസര് എന്നീ അധികചമതലകളും വഹിച്ചിരുന്നു. ആസൂത്രണ സാമ്പത്തിക കാര്യവകുപ്പ് അഡീഷണല് സെക്രട്ടറി പദവിയിലിരിക്കെയായിരുന്നു ധനകാര്യവകുപ്പ് അഡീഷണല് ചീഫ് സെക്രട്ടറിയായുള്ള നിയമനം.
കോട്ടയം, വയനാട്, കോഴിക്കോട് ജില്ലകളില് കളക്ടറായും പ്രവര്ത്തിച്ചിട്ടുണ്ട്. ബിഹാര് സ്വദേശിയായ ബിശ്വനാഥ് സിന്ഹ ഡല്ഹി സ്കൂള് ഓഫ് ഇക്കണോമിക്സിലെ പഠനത്തിനുശേഷമാണ് സിവില് സര്വ്വീസില് പ്രവേശിച്ചത്.
ടെക്സ്റ്റൈല്സ് ഡയറക്ടര്, മാനേജിങ് ഡയറക്ടര്, സ്റ്റേറ്റ് കോ-ഓപ്പറേറ്റീവ് ബാങ്ക് മാനേജിങ് ഡയറക്ടര്, പൊതുമരാമത്ത് വകുപ്പ്, കായിക വകുപ്പുകളില് ഡെപ്യൂട്ടി ഡയറക്ടര്, സെക്രട്ടറി, ദല്ഹി കേരള ഹൗസ് അഡീഷണല് റസിഡന്റ് കമ്മീഷണര്, പരിസ്ഥിതി, വനം മന്ത്രാലയം ജോയിന്റ് സെക്രട്ടറി, പഴ്സണല് ആന്റ് ജനറല് അഡ്മിനിസ്ട്രേഷന്, ഫിനാന്സ് എസ്സി/എസ്ടി ക്ഷേമം, സാമൂഹ്യ നീതി എന്നീ വകുപ്പുകളില് പ്രിന്സിപ്പല് സെക്രട്ടറി എന്നിങ്ങനെയുള്ള തസ്തികകളില് അദ്ദേഹം സേവനമനുഷ്ഠിച്ചിട്ടുണ്ട്.
Content Highlights: Bishwanath Sinha to Become Kerala’s New Chief Secretary
