Get the latest news at
your fingertips!
Download our app now
LIVE TV
Search
പത്തനംതിട്ട: ശബരിമല ക്ഷേത്രത്തിന് മുകളിലൂടെ ഹെലികോപ്റ്റര് പറന്നു. കോസ്റ്റ് ഗാര്ഡിന്റെ ഹെലികോപ്റ്റര് ആണ് ക്ഷേത്രത്തിന്റെ മുകളിലൂടെ പറന്നത്. സംഭവത്തെക്കുറിച്ച് അന്വേഷിക്കാന് സ്പെഷ്യല് കമ്മീഷണര് ആര് ജയകൃഷ്ണന് ശബരിമലയുടെ സുരക്ഷാ ചുമതലയുള്ള എഡിജിപി എസ് ശ്രീജിത്തിന് നിര്ദ്ദേശം നല്കി.
ഇന്നലെ രാവിലെ 11 മണിയോടെയാണ് തീരസുരക്ഷാ സേനയുടെ സി ജി 821 എന്ന ഹെലികോപ്റ്റര് സന്നിധാനത്ത് പറന്നത്. കൊടിമരത്തിന് അഞ്ച് മീറ്റര് ഉയരത്തില് വരെ ഹെലികോപ്റ്റര് പറന്നിട്ടുണ്ട്. ഹെലികോപ്റ്ററില് നാലുപേരാണ് ഉണ്ടായിരുന്നത്. ഒരാള് ക്ഷേത്രത്തിന്റെ ദൃശ്യങ്ങള് പകര്ത്തുകയും ചെയ്തു. 30 സെക്കന്ഡ് സമയം സന്നിധാനത്തിന് സമീപം ഹെലികോപ്റ്റര് പറന്നു.
ആദ്യമായിട്ടാണ് ഹെലികോപ്റ്റര് ക്ഷേത്രത്തിന്റെ വളരെ അടുത്തുകൂടി താഴ്ന്നുപറന്നത്. വിവിധ സ്ഥലങ്ങളില് നിരീക്ഷണ പറക്കല് നടത്താറുണ്ടെന്നും അതിന്റെ ഭാഗമായിട്ടാണ് ഹെലികോപ്റ്റര് എത്തിയതെന്നും പ്രതിരോധ വകുപ്പിന്റെ കൊച്ചിയിലെ പിആര്ഒ വ്യക്തമാക്കി.
Content Highlights: A Coast Guard helicopter flew over the Sabarimala temple
