Get the latest news at
your fingertips!
Download our app now
LIVE TV
Search
കൊച്ചി: കൊച്ചിയില് നടിയെ ആക്രമിച്ച കേസിലെ അതിജീവിതയുടെ അഭിഭാഷകക്കെതിരെ രൂക്ഷ വിമര്ശനവുമായി വിചാരണക്കോടതി.വിചാരണസമയത്ത് പത്ത് ദിവസത്തില് താഴെയാണ് കോടതിയില് ഹാജരായതെന്ന് വിമര്ശനം. കോടതിയില് എത്തിയാല് ഉറങ്ങാറാണ് പതിവെന്നും കോടതി പരിഹസിച്ചു. കോടതിയലക്ഷ്യ ഹര്ജികള് പരിഗണിക്കുന്നതിനിടെയാണ് വിമര്ശനം. അതിജീവിതയുടെ അഭിഭാഷക ഇന്നും കോടതിയില് ഹാജരായിരുന്നില്ല.
അരമണിക്കൂര് മാത്രമാണ് അഭിഭാഷക കോടതിയില് ഉണ്ടാകാറുള്ളത്. ആ സമയം ഉറങ്ങുകയാണ് പതിവ്. വിശ്രമസ്ഥലം എന്ന രീതിയിലാണ് അഭിഭാഷക കോടതിയില് എത്താറുള്ളത്. എന്നിട്ട് 'കോടതി അത് കേട്ടില്ല, പരിഗണിച്ചില്ല' എന്നാണ് പറയാറുള്ളതെന്നും കോടതി വിമര്ശിച്ചു.
അതേസമയം വിമര്ശനം അതിജീവിതയുടെ അഭിഭാഷക തള്ളി. കോടതിയുടേത് സത്യത്തിന് നിരക്കാത്ത വിമര്ശനമെന്ന് അഭിഭാഷക അഡ്വ. ടി ബി മിനി പറഞ്ഞു. വിചാരണക്കോടതിക്ക് മറുപടി കൊടുക്കാനില്ല. ഈ കേസിനോടുള്ള ആത്മാര്ത്ഥത കാരണം ജൂനിയേഴ്സ് ഇരിക്കേണ്ട സമയത്ത് പോലും കോടതിയില് ഹാജരായിട്ടുണ്ട്. ദിലീപിന്റെ ആളുകള്ക്ക് യൂട്യൂബ് ചാനലുകള് വഴി ആക്രമിക്കാന് അവസരം ഉണ്ടാക്കുന്നു. തന്നെ ഇല്ലാതാക്കാനുള്ള ശ്രമത്തിന്റെ ഭാഗമായാണ് വിമര്ശനം എന്നും ടി ബി മിനി റിപ്പോര്ട്ടറിനോട് പറഞ്ഞു.
Content Highlights: trial court criticize Kochi actress attack case advocate
