LIVE TV
തിരുവനന്തപുരം: പുനര്ജനി കേസില് പ്രതിപക്ഷ നേതാവ് വി ഡി സതീശനെതിരെ തെളിവില്ലെന്ന് വിജിലന്സ് റിപ്പോര്ട്ട്. പുനര്ജനി പദ്ധതിയുമായി ബന്ധപ്പെട്ട കേസില് വി ഡി സതീശന് ക്ലീന് ചിറ്റ് നല്കുന്ന റിപ്പോര്ട്ട് റിപ്പോര്ട്ടറിന് ലഭിച്ചു. 2025 സെപ്റ്റംബര് 19ന് നല്കിയ റിപ്പോര്ട്ടാണ് ഇപ്പോള് പുറത്തുവന്നിരിക്കുന്നത്.
മനോജ് എബ്രഹാം വിജിലന്സ് മേധാവിയായിരിക്കെയാണ് സതീശന് ക്ലീന് ചിറ്റ് നല്കിയത്. സതീശന്റെ അക്കൗണ്ടിലേക്ക് പണം വന്നതായി കണ്ടെത്തിയില്ലെന്നും റിപ്പോര്ട്ട് ചെയ്യുന്നു. അഴിമതി നിരോധന നിയമപ്രകാരമുള്ള കുറ്റം ചെയ്തിട്ടില്ലെന്നും റിപ്പോര്ട്ടില് വ്യക്തമാക്കുന്നു.
വി ഡി സതീശന് ഫണ്ട് കൈകാര്യം ചെയ്തിട്ടില്ലെന്നും റിപ്പോര്ട്ടില് സൂചിപ്പിക്കുന്നുണ്ട്. ക്ലീന് ചിറ്റ് നല്കിയ റിപ്പോര്ട്ട് വരും മുന്പാണ് വിജിലന്സ് സിബിഐ അന്വേഷണത്തിന് ശുപാര്ശ നല്കിയത്.
Content Highlights: Vigilance has given a clean chit to VD Satheesan in the Punarjani case
