LIVE TV
കോഴിക്കോട്: കൊയിലാണ്ടി എംഎൽഎ കാനത്തിൽ ജമീലയുടെ വിയോഗത്തിൽ അനുശോചനവുമായി നേതാക്കൾ. കൊയിലാണ്ടിയുടെ വികസനത്തിന് കക്ഷി രാഷ്ട്രീയം നോക്കാതെ പ്രവർത്തിച്ചയാളാണ് കാനത്തിൽ ജമീലയെന്ന് എം കെ രാഘവൻ എംപി പറഞ്ഞു.
അവസാനത്തെ നിയമസഭയിൽ പോലും തനിക്കെതിരെ ശക്തമായി സംസാരിച്ച ആളാണ് കാനത്തിൽ ജമീലയെങ്കിലും രാഷ്ട്രീയമായി രണ്ട് ചേരിയിൽ ആണെങ്കിലും സ്‌നേഹബന്ധം കാത്ത് സൂക്ഷിച്ചിരുന്നുവെന്ന് കെ കെ രമ എംഎൽഎ പറഞ്ഞു. കാനത്തിൽ ജമീലയുമായി നല്ല ആത്മബന്ധമാണ് ഉണ്ടായിരുന്നതെന്നും കെ കെ രമ പറഞ്ഞു.
അർബുദ രോഗത്തെ തുടർന്ന് ചികിത്സയിലിരിക്കെയാണ് കാനത്തിൽ ജമീലയുടെ വിയോഗം. ജമീലയുടെ സംസ്‌കാരം ഡിസംബർ രണ്ടിന് അത്തോളി കുനിയിൽക്കടവ് ജുമാമസ്ജിദിൽ നടക്കും. വിദേശത്തുള്ള മകൻ എത്തേണ്ടതുണ്ട്. മൃതദേഹം തിങ്കളാഴ്ച്ച പൊതുദർശനത്തിനുവയ്ക്കും. അതുവരെ മൃതദേഹം ആശുപത്രിയിൽ സൂക്ഷിക്കും.
Content Highlights: Leaders offer condolences on the passing of kanathil jameela
