LIVE TV
ബാഴ്‌സലോണ ലെജന്‍ഡ്‌സും റയല്‍ മാഡ്രിഡ് ലെജന്‍ഡ്‌സും തമ്മില്‍ നടക്കുന്ന സ്‌പെഷ്യല്‍ 'എല്‍ ക്ലാസിക്കോ' പോരാട്ടം പശ്ചിമ ബംഗാള്‍ കായിക മന്ത്രി ഇന്ദ്രനീല്‍ ഖാന്‍ പ്രഖ്യാപിച്ചു. നവംബര്‍ 25-ന് കൊല്‍ക്കത്തയിലെ സാള്‍ട്ട് ലേക്ക് സ്റ്റേഡിയത്തിലാണ് മത്സരം. സ്പാനിഷ് മുന്‍നിര ലീഗ് ഫുട്‌ബോളിലെ ചിരവൈരികളായ എഫ്.സി. ബാഴ്‌സലോണയും റയല്‍ മാഡ്രിഡും തമ്മില്‍ ലാ ലിഗ, യുവേഫ ചാമ്പ്യന്‍സ് ലീഗ്, മറ്റ് ടൂര്‍ണമെന്റുകള്‍ എന്നിവയില്‍ ഏറ്റുമുട്ടുന്ന പോരാട്ടങ്ങളാണ് 'എല്‍ ക്ലാസിക്കോ' എന്ന് അറിയപ്പെടുന്നത്. ക്രിസ്റ്റ്യാനോ റൊണാള്‍ഡോ, ലയണല്‍ മെസ്സി, ലൂക്കാ മോഡ്രിച്ച്, നെയ്മര്‍ തുടങ്ങിയ കളിക്കളത്തിലെ പ്രഗത്ഭര്‍ വര്‍ഷങ്ങളായി ഈ പോരാട്ടത്തിന്റെ ഭാഗമായിട്ടുണ്ട്.
ഒക്ടോബര്‍ 3, 6 തീയതികളില്‍ യഥാക്രമം അഞ്ച് തവണ ലോക ചാമ്പ്യന്മാരായ ബ്രസീലിനും രണ്ട് തവണ ലോക ചാമ്പ്യന്മാരായ യുറഗ്വായ്ക്കുമെതിരെ ഇന്ത്യന്‍ ടീമിന്റെ രണ്ട് വന്‍കിട സൗഹൃദ മത്സരങ്ങള്‍ക്ക് ആതിഥേയത്വം വഹിച്ചതിന് തൊട്ടുപിന്നാലെയാണ് സാള്‍ട്ട് ലേക്കിലെ മറ്റൊരു മത്സരത്തിന്റെ പ്രഖ്യാപനം.
ഇരുടീമുകളും തമ്മിലുള്ള കന്നി സൗഹൃദ മത്സരത്തില്‍ ഇന്ത്യയെ ബ്രസീല്‍ 4-0 ന് പരാജയപ്പെടുത്തിയപ്പോള്‍ സാമുവല്‍ ലിനോയും പെഡ്രോയുമാണ് സ്‌കോര്‍ ചെയ്തത്. ഗാലറിയില്‍ തടിച്ചുകൂടിയ ഫുട്‌ബോള്‍ ആരാധകരെ ആവേശത്തിലാക്കിക്കൊണ്ട് വിനീഷ്യസ് ജൂനിയര്‍, മാര്‍ക്വിന്യോസ്, എസ്റ്റെവാവോ തുടങ്ങിയ മുന്‍നിര താരങ്ങള്‍ അടങ്ങുന്ന മികച്ച നിരയെയാണ് ബ്രസീല്‍ ഹെഡ് കോച്ച് കാര്‍ലോ ആഞ്ചലോട്ടി കളത്തിലിറക്കിയത്. മറ്റൊരു മത്സരത്തില്‍ യുറഗ്വായ് ഇന്ത്യയെ 6-1 ന് തോല്‍പ്പിച്ചു.
തോല്‍വിയിലും ഥാപ്പയുടെ സമനില ഗോള്‍ ഇന്ത്യന്‍ ഫുട്‌ബോള്‍ ചരിത്രത്തിന്റെ ഭാഗമായി മാറി. 1982-ലെ നെഹ്റു കപ്പില്‍ ഈഡന്‍ ഗാര്‍ഡന്‍സില്‍ ഇന്ത്യ 3-1 ന് തോറ്റ മത്സരത്തില്‍ ഗോള്‍ നേടിയ മാനസ് ഭട്ടാചാര്യയ്ക്ക് ശേഷം, ഒരു സീനിയര്‍ അന്താരാഷ്ട്ര മത്സരത്തില്‍ യുറഗ്വായ്ക്കെതിരെ ഗോള്‍ നേടുന്ന രണ്ടാമത്തെ മാത്രം ഇന്ത്യക്കാരനായി അദ്ദേഹം മാറി.
content highlights: El Clasico Coming to Kolkata: Real Madrid and Barcelona Legends Set to Clash
