Get the latest news at
your fingertips!
Download our app now
LIVE TV
Search
യുവേഫ ചാംപ്യൻസ് ലീഗ് ഫുട്ബോൾ കിരീടനേട്ടത്തിന് പിന്നാലെ വികാരഭരിതനായി ഫ്രഞ്ച് ക്ലബ് പി എസ് ജി പരിശീലകൻ ലൂയിസ് എന്റിക്വെ. അഞ്ച് വർഷം മുമ്പ് മരണപ്പെട്ട മകൾ സനയെക്കുറിച്ചുള്ള ചോദ്യങ്ങൾക്കാണ് എൻ്റിക്വെ വികാരാധീനനായത്. ക്യാൻസർ രോഗബാധയെ തുടർന്ന് ഒമ്പതാം വയസിലായിരുന്നു സനയുടെ മരണം.
'മകൾ എപ്പോഴും എനിക്കൊപ്പമുണ്ടെന്നും മകളുടെ പിന്തുണ എനിക്ക് എപ്പോഴും ലഭിക്കുന്നുണ്ട്. എന്റെ കുടുംബത്തിൽ ഇപ്പോഴും മകളുടെ സാന്നിധ്യമുണ്ട്.' എന്റിക്വെ ചാംപ്യൻസ് ലീഗ് വിജയത്തിന് പിന്നാലെ പ്രതികരിച്ചു.
ഇറ്റാലിയൻ ക്ലബ് ഇന്റർ മിലാനെ തകർത്ത് ചാംപ്യൻസ് ലീഗ് കിരീടം നേടിയതിന് പിന്നാലെ പി എസ് ജി ആരാധകർ സനയുടെ ഓര്‍മയ്ക്കായി മ്യൂണിക്കിലെ സ്റ്റേഡിയത്തില്‍ വമ്പൻ ടിഫോ ബാനര്‍ ഉയര്‍ത്തുകയായിരുന്നു. ഇതിനോടും വൈകാരികമായാണ് എന്റിക്വെ പ്രതികരിച്ചത്.
'ആരാധകരുടെ ഈ പിന്തുണ വൈകാരികമാണ്. എന്റെ കുടുംബത്തെക്കുറിച്ച് പോലും ആരാധകർ ഓർക്കുന്നുവെന്നത് സന്തോഷമാണ്. എന്നാൽ എനിക്ക് മകളെ ഓർക്കാൻ ചാംപ്യൻസ് ലീഗ് കിരീടമെന്നല്ല യാതൊന്നിന്റെയും ആവശ്യമില്ല.' എന്റ്വികെ വ്യക്തമാക്കി.
I’m not crying, you’re crying 🥹
— Ligue 1 English (@Ligue1_ENG) May 31, 2025
PSG fans’ tifo in honor of Luis Enrique’s late daughter, Xana ❤️ pic.twitter.com/FDvSkLdxWx
2015ലെ ചാംപ്യൻസ് ലീഗിന്റെ ഫൈനലിൽ യുവെന്റസിനെ പരാജയപ്പെടുത്തി സ്പാനിഷ് ക്ലബ്ബ് ബാഴ്‌സലോണയ്‌ക്കൊപ്പം എന്റ്വികെ കിരീടം നേടിയിരുന്നു. പിന്നാലെ ബെര്‍ലിനിലെ ഒളിമ്പിയ സ്റ്റേഡിയത്തിലെ ടര്‍ഫില്‍ ബാഴ്സലോണ പതാക നാട്ടുന്ന എന്റിക്വെയുടെയും അന്ന് അഞ്ചു വയസുണ്ടായിരുന്ന സനയുടെയും ചിത്രം ഏറെ പ്രസിദ്ധമായിരുന്നു. ഈ ചിത്രമാണ് മ്യൂണിക്കിലെ സ്റ്റേഡിയത്തിൽ ആരാധകർ ബാനറിൽ ഉയർത്തിയത്.
Content Highlights: She's always with me, Luis Enrique emotionally describes his daughter's presence
