LIVE TV
ഇന്ത്യൻ ലെഗ് സ്പിന്നർ രവി ബിഷ്‌ണോയിയുടെ മോശം ബൗളിംഗ് പ്രകടനത്തിനെതിരെ രൂക്ഷവിമർശനവുമായി മുൻ ഇന്ത്യൻ ക്യാപ്റ്റനും ചീഫ് സെലക്ടറുമായിരുന്ന കൃഷ്ണമാചാരി ശ്രീകാന്ത്. ഏഷ്യൻ ഗെയിംസിൽ പാകിസ്താനുമായുള്ള ഫൈനലിൽ അടക്കം നടത്തിയ പ്രകടനം ചൂണ്ടിക്കാട്ടിയാണ് വിമർശനം.
സ്പിന്നിനെ തുണയ്ക്കുന്ന പിച്ചിൽ പോലും ഒരു പന്ത് പോലും തിരിക്കാൻ കഴിയാത്ത ബിഷ്‌ണോയിയുടെ പ്രകടനത്തെ തന്‍റെ യൂട്യൂബ് ചാനലിലൂടെയാണ് ശ്രീകാന്ത് പരിഹസിച്ചത്.
ഫൈനലിൽ 3 ഓവറിൽ 44 റൺസ് വഴങ്ങിയെങ്കിലും വിക്കറ്റൊന്നും നേടാൻ ബിഷ്‌ണോയിക്ക് കഴിഞ്ഞിരുന്നില്ല. 212 റൺസ് വിജയലക്ഷ്യം പിന്തുടർന്ന പാകിസ്താനെ മത്സരത്തിലേക്ക് തിരിച്ചുകൊണ്ടുവന്നത് ബിഷ്‌ണോയിയുടെ ഓവറുകളാണെന്ന് ശ്രീകാന്ത് പറഞ്ഞു. ഒരു സ്പിൻ പിച്ചിൽ പോലും പന്ത് തിരിക്കാൻ കഴിയാത്ത ഏത് തരം സ്പിന്നറാണ് ഇയാൾ. രവി ബിഷ്‌ണോയി ബൗൾ ചെയ്യുമ്പോൾ അദ്ദേഹത്തിന്‍റെ ശരീരം മാത്രമേ തിരിയുന്നുള്ളൂ, പന്ത് ഒരു ഇഞ്ച് പോലും തിരിയുന്നില്ല. സ്പിൻ പിച്ചിൽ ഒരു ഇഞ്ച് പോലും പന്ത് തിരിക്കാത്ത ഏക ലെഗ് സ്പിന്നർ ഇയാളായിരിക്കും, ശ്രീകാന്ത് കൂട്ടിച്ചേർത്തു.
content highlights: krishnamachari srikkanth criticizes ravi bishnoi spin pitch
