LIVE TV
വെസ്റ്റ് ഇന്ഡീസിനെതിരായ ഏകദിന, ടി20 പരമ്പരകള്ക്കും ഏഷ്യന് ഗെയിംസിനുമുള്ള ഇന്ത്യന് ക്രിക്കറ്റ് ടീമിനെ പ്രഖ്യാപിച്ച് ബിസിസിഐ. സീനിയര് താരങ്ങളായ രോഹിത് ശര്മയും വിരാട് കോഹ്ലിയും ഏകദിന ടീമില് ഇടംനേടിയിട്ടുണ്. മലയാളി താരം സഞ്ജു സാംസണ് ടി20 ടീമിലും ഏഷ്യന് ഗെയിംസിനുള്ള സംഘത്തിലും വിക്കറ്റ് കീപ്പറായി സ്ഥാനം നിലനിര്ത്തി. നിലവില് അഫ്ഗാനിസ്താനെതിരായ പരമ്പരയിലെ രണ്ടാം മത്സരത്തില് മികച്ച ഫോമിലായിരുന്നു സഞ്ജു സാംസണ്. അതേസമയം, വെസ്റ്റ് ഇന്ഡീസിനെതിരായ മൂന്ന് മത്സരങ്ങളുടെ ഏകദിന പരമ്പരയില് ശുഭ്മന് ഗില്ലാണ് ഇന്ത്യയെ നയിക്കുക. കെഎല് രാഹുല് വൈസ് ക്യാപ്റ്റനാകും. ശ്രേയസ് അയ്യര് ഏകദിന ടീമില് കളിക്കില്ല. ഏഷ്യന് ഗെയിംസ് ടീമിനൊപ്പം പോകേണ്ടതിനാലാണ് ശ്രേയസ് അയ്യര്ക്ക് ഏകദിന പരമ്പര നഷ്ടമാകുന്നത്. രോഹിത് ശര്മയും വിരാട് കോഹ്ലിയും ടീമിലുണ്ട് എന്നത് ആരാധകരെ ആവേശത്തിലാക്കും. മൂന്ന് ഏകദിനങ്ങളും അഞ്ച് ടി20 മത്സരങ്ങളുമാണ് വെസ്റ്റ് ഇന്ഡീസിനെതിരായ പരമ്പരയിലുള്ളത്. തിരുവനന്തപുരത്ത് വച്ചാണ് ആദ്യ ഏകദിന മത്സരം. ഇതിനുള്ള ടിക്കറ്റ് വില്പന വ്യാഴാഴ്ച തുടങ്ങും. ഒക്ടോബര് ആറിനാണ് ടി20 മത്സരങ്ങള് തുടങ്ങുക. അതേസമയം, ഇറാനി കപ്പിനുള്ള റെസ്റ്റ് ഓഫ് ഇന്ത്യ ടീമിന്റെ നായകനായി വിക്കറ്റ് കീപ്പര് ബാറ്റര് ഋഷഭ് പന്തിനെ ബിസിസിഐ തെരഞ്ഞെടുത്തു. ആഭ്യന്തര ക്രിക്കറ്റില് മികച്ച പ്രകടനം പുറത്തെടുക്കുന്ന സര്ഫറാസ് ഖാനാണ് വൈസ് ക്യാപ്റ്റന്.
ഏകദിന ടീം
ശുഭ്മന് ഗില് (ക്യാപ്റ്റന്), രോഹിത് ശര്മ, വിരാട് കോഹ്ലി, റുതുരാജ് ഗെയ്ക്വാദ്, കെ.എല്. രാഹുല് (വൈസ് ക്യാപ്റ്റന്, വിക്കറ്റ് കീപ്പര്), ധ്രുവ് ജുറെല്, നിതീഷ് കുമാര് റെഡ്ഡി, രവീന്ദ്ര ജഡേജ, കുല്ദീപ് യാദവ്, പ്രസിദ്ധ് കൃഷ്ണ, ഗുര്നൂര് ബ്രാര്, മുഹമ്മദ് സിറാജ്, ആക്വിബ് നബി, യശസ്വി ജയ്സ്വാള്, നമന് ധീര്.
വിന്ഡീസിനെതിരായ ടി20 ടീം
ശ്രേയസ് അയ്യര് (ക്യാപ്റ്റന്), അഭിഷേക് ശര്മ, വൈഭവ് സൂര്യവംശി, ഇഷാന് കിഷന് (വിക്കറ്റ് കീപ്പര്), സഞ്ജു സാംസണ് (വിക്കറ്റ് കീപ്പര്), തിലക് വര്മ (വൈസ് ക്യാപ്റ്റന്), ശിവം ദുബെ, കുല്ദീപ് യാദവ്, അക്സര് പട്ടേല്, വാഷിങ്ടണ് സുന്ദര്, രവി ബിഷ്ണോയ്, നിതീഷ് കുമാര് റെഡ്ഡി, അര്ഷ്ദീപ് സിങ്, പ്രിന്സ് യാദവ്, മയാങ്ക് യാദവ്.
ഏഷ്യന് ഗെയിംസ്/ ജപ്പാന് ടി20 ടീം
ശ്രേയസ് അയ്യര് (ക്യാപ്റ്റന്), അഭിഷേക് ശര്മ, സഞ്ജു സാംസണ് (വിക്കറ്റ് കീപ്പര്), ഇഷാന് കിഷന് (വിക്കറ്റ് കീപ്പര്), ശിവം ദുബെ, തിലക് വര്മ (വൈസ് ക്യാപ്റ്റന്), അക്സര് പട്ടേല്, വാഷിങ്ടണ് സുന്ദര്, രവി ബിഷ്ണോയ്, ജസ്പ്രീത് ബുമ്ര, അര്ഷ്ദീപ് സിങ്, വൈഭവ് സൂര്യവംശി, യാഷ് താക്കൂര്, വിപ്രാജ് നിഗം.
റെസ്റ്റ് ഓഫ് ഇന്ത്യ ടീം
ഋഷഭ് പന്ത് (ക്യാപ്റ്റന്, വിക്കറ്റ് കീപ്പര്), സനത് സാങ്വാന്, ശിഖര് മോഹന്, സുദീപ് ഘരാമി, സര്ഫറാസ് ഖാന് (വൈസ് ക്യാപ്റ്റന്), സ്മരണ് രവിചന്ദ്രന്, മാനവ് സുതര്, സാരന്ഷ് ജയിന്, ആകാശ് ദീപ്, മുകേഷ് കുമാര്, മുകേഷ് ചൗധരി, ആര്യന് ജുയാല് (വിക്കറ്റ് കീപ്പര്), ആര്യന് പാണ്ഡെ, അനുകുല് റോയ്, ആയുഷ് ദോസേജ.
content highlights: Double Delight for Sanju Samson: Selected in India's ODI and T20I Squads
