LIVE TV
അഫ്ഗാനെതിരായ രണ്ടാം ടി 20 യിൽ ഇന്ത്യയ്ക്ക് തകർപ്പൻ ജയം. ഏഴ് വിക്കറ്റിന്റെ തകർപ്പൻ ജയമാണ് ഇന്ത്യ നേടിയത്. ഇതോടെ മൂന്ന് മത്സരങ്ങളടങ്ങിയ പരമ്പരയും ഇന്ത്യ സ്വന്തമാക്കി. ആദ്യ ടി 20 യും ഇന്ത്യ ഏഴ് വിക്കറ്റിന് ജയിച്ചിരുന്നു.
ടോസ് നഷ്ടമായി ആദ്യം ബാറ്റ് ചെയ്ത അഫ്ഗാനിസ്ഥാന് 20 ഓവറില് 8 വിക്കറ്റ് നഷ്ടത്തില് 159 റണ്സാണ് എടുത്തത്. മറുപടി ബാറ്റിങ്ങിൽ സഞ്ജു സാംസൺ കത്തികയറിയതോടെ ഇന്ത്യ അനായാസം കുതിച്ചു. 14 .5 ഓവറിൽ മൂന്ന് വിക്കറ്റ് നഷ്ടത്തിൽ ലക്ഷ്യം മറികടന്നു.
22 പന്തിൽ നാല് സിക്സറും ഏഴ് ഫോറുകളും അടക്കം 57 റൺസാണ് സഞ്ജു നേടിയത്. ലോകകപ്പിലെ തകർപ്പൻ പ്രകടനത്തിന് ശേഷമുള്ള മോശം ഫോമിൽ വിമർശനം നേരിടുന്നതിനിടെയാണ് ഈ പ്രകടനം.
സഞ്ജുവിനൊപ്പം അഭിഷേക് ശർമയും മിന്നും പ്രകടനം കാഴ്ച വെച്ചു. താരം 19 പന്തിൽ നാല് സിക്സറും രണ്ട് ഫോറുകളും അടക്കം 39 റൺസ് നേടി. ഇഷാൻ കിഷൻ പുറത്താകാതെ 39 റൺസ് നേടി. തിലക് വർമ 15 റൺസും ശ്രേയസ് അയ്യർ 11 റൺസും നേടി.
നേരത്തെ ടോസ് നഷ്ടമായി ആദ്യം ബാറ്റ് ചെയ്ത അഫ്ഗാനിസ്ഥാന് 20 ഓവറില് 8 വിക്കറ്റ് നഷ്ടത്തില് 159 റണ്സെടുത്തു. 37 റണ്സെടുത്ത ക്യാപ്റ്റൻ ഇബ്രാഹിം സര്ദ്രാനാണ് അഫ്ഗാന്റെ ടോപ് സ്കോറര്.
ഡാര്വിഷ് റസൂലി (26 ), റാഷിദ് ഖാന് (28 ) മുഹമ്മദ് നബി (20 ) റണ്സെടുത്ത് അഫ്ഗാനിസ്ഥാന് സ്കോര് ബോര്ഡിലേക്ക് കാര്യമായ സംഭാവന നല്കി. ഇന്ത്യക്കായി നിതീഷ് കുമാര് റെഡ്ഡി 24 റണ്സിന് 3 വിക്കറ്റെടുത്തപ്പോള് അര്ഷ്ദീപ് സിംഗ് 35 റണ്സിന് രണ്ട് വിക്കറ്റെടുത്തു.
content highlights: sanju samson shines as india beats afghanistan in 2nd t20i wins series
