LIVE TV
ഇന്ത്യ-ഇംഗ്ലണ്ട് ടി20 പരമ്പരയിലെ നാലാം മത്സരത്തിലും സഞ്ജു സാംസൺ പുറത്ത്. ടോസ് നേടി ബാറ്റിങ് തിരഞ്ഞെടുത്ത ശ്രേയസ് അയ്യർ ബാറ്റിങ് തിരഞ്ഞെടുത്തു.
രണ്ട് മാറ്റങ്ങളാണ് പ്ലെയിങ് ഇലവനിൽ ഇന്ത്യ വരുത്തിയത്. വരുണ് ചക്രവര്ത്തി, ഹര്ഷിത് റാണ എന്നിവര് പരിക്കേറ്റ് പുറത്തായി. പകരം പ്രസിദ്ധ് കൃഷ്ണയും വാഷിങ്ടന് സുന്ദറും ടീമിലെത്തി.
അതേസമയം നാലാം ടി20യില് പ്ലെയിങ് ഇലവനില് എത്തുമെന്നു പ്രതീക്ഷിക്കപ്പെട്ട സഞ്ജു സാംസണ് ഇത്തവണയും അവസരം കിട്ടിയില്ല. വൈഭവ് സൂര്യവംശിയെ തന്നെ ഇന്ത്യ ഇറക്കാന് തീരുമാനിച്ചു.
രണ്ടും മൂന്നും മത്സരങ്ങളില് സഞ്ജുവിനെ പുറത്തിരുത്തിയാണ് 15കാരന് വൈഭവ് സൂര്യവംശിയെ ഇന്ത്യ ഓപ്പണറായി പരീക്ഷിച്ചത്. എന്നാല് 14, 13 എന്നിങ്ങനെയായിരുന്നു വൈഭവിന്റെ രണ്ട് ഇന്നിങ്സുകളില് നിന്നുള്ള സംഭാവന. മൂന്നാം ടി20യില് ബാറ്റിങ് നിര അപ്പാടെ തകര്ന്നതോടെ 76 റണ്സിന് ടീം ഓള്ഔട്ടായിരുന്നു. ഈ സാഹചര്യത്തില് സഞ്ജു തിരിച്ചെത്തുമെന്നു പ്രതീക്ഷിക്കപ്പെട്ടെങ്കിലും അതുണ്ടായില്ല.
അഞ്ച് മത്സരങ്ങളടങ്ങിയ പരമ്പരയില് നിലവില് 0-2ന് ഇന്ത്യന് യുവനിരയ്ക്ക് പരമ്പര നഷ്ടപ്പെടാതിരിക്കാന് വിജയം അനിവാര്യമാണ്. നോട്ടിങ്ഹാമില് നടന്ന മൂന്നാം മത്സരത്തില് നേരിട്ട കനത്ത ബാറ്റിങ് തകര്ച്ചയ്ക്ക് ശേഷം ശക്തമായ തിരിച്ചുവരവാണ് ഇന്ത്യന് ടീം ലക്ഷ്യമിടുന്നത്. മത്സരത്തിൽ സഞ്ജുവിനെ മാറ്റി നിർത്തിയതിൽ മുൻ താരങ്ങളും ആരാധകരും സോഷ്യൽ മീഡിയയിൽ എതിർപ്പ് പ്രകടിപ്പിക്കുന്നുണ്ട്.
Content highlights:social media protest against sanju samson exclusion india vs england
