LIVE TV
ദിവസങ്ങൾക്ക് മുമ്പാണ് ഹൈദരാബാദ് പേസർ പ്രഫുൽ ഹിൻഗെ വൈഭവ് സൂര്യവംശിയെ ഡക്കിന് പുറത്താക്കി തന്റെ അരങ്ങേറ്റം ആഘോഷിച്ചത്. ബുംറയെയും ബോൾട്ടിനെയും ഹേസൽവുഡിനെയുമെല്ലാം അട്ടം പറത്തിയ വൈഭവിന്റെ വിക്കറ്റ് ആഘോഷിക്കാൻ തീർച്ചയായും ഹിൻഗെയ്ക്ക് അവകാശവുമുണ്ടായിരുന്നു.
എന്നാൽ ദിവസങ്ങൾക്കിപ്പുറം അതിനൊരു മറുപടി വൈഭവ് കാത്തുവെച്ചിരുന്നു. ജയ്പൂരിലെ സ്വന്തം തട്ടകത്തിൽ ഹിൻഗെയുടെ ആദ്യ ഓവറിൽ നാല് തവണയാണ് വൈഭവ് സിക്സർ പറത്തിയത്.
ഹിൻഗെയെയും സിക്സർ പറത്തി മുന്നേറിയ താരം ഹൈദരാബാദിനെതിരെ സെഞ്ച്വറി നേടുകയും ചെയ്തു. 36 പന്തിൽ 12 സിക്സറും അഞ്ച് ഫോറുകളും അടക്കം 103 റൺസ് നേടിയാണ് മടങ്ങിയത്.
താരത്തിന്റെ മികവിൽ 14 ഓവർ പിന്നിടുമ്പോൾ മൂന്ന് വിക്കറ്റ് നഷ്ടത്തിൽ 170 റൺസ് നേടിയിട്ടുണ്ട്. 51 റൺസുമായി ധ്രുവ് ജുറൽ ക്രീസിലുണ്ട്.
content highlights:vaibhav-four-sixes-in-first-over-vs-praphul
