LIVE TV
ഐപിഎൽ 2026 ലെ തങ്ങളുടെ ആദ്യ മത്സരത്തിൽ ഇന്ന് കൊൽക്കത്ത നെറ്റ് റൈഡേഴ്സിനെ നേരിടുകയാണ് മുംബൈ ഇന്ത്യൻസ്. എന്നാൽ ആദ്യ മത്സരത്തിൽ വൻ തിരിച്ചടിയാണ് മുംബൈ ഇന്ത്യൻസിനുളളത്. കെ കെ ആറിനെതിരായ മത്സരത്തിൽ കളിക്കാൻ രണ്ട് സൂപ്പർ താരങ്ങൾ ടീമിനൊപ്പം ഉണ്ടാകില്ല, വിൽ ജാക്ക്സ്, മിച്ചല് സാന്റ്നര് എന്നിവർ ഇതുവരെ ടീമിനൊപ്പം ചേർന്നിട്ടില്ലെന്നാണ് റിപ്പോർട്ടുകൾ.
മുംബൈ ടീമിലെ സ്ഥിര സാന്നിധ്യമായ ഇവരുടെ അഭാവം ടീമിന് തിരിച്ചടി ആയേക്കും. ജസ്പ്രീത് ബുംറ കളിക്കുന്നത് ആശ്വാസമാകും.
നേരത്തെ, ബിസിസിഐയുടെ ബംഗളുരുവിലുള്ള സെന്റർ ഓഫ് എക്സലൻസിൽ ബുംറ പരിശീലനം നടത്തിയിരുന്നു. താരങ്ങളുടെ ആരോഗ്യം സംരക്ഷിക്കാനായി ബിസിസിഐ തയാറാക്കിയ “സ്ട്രക്ച്ചർ വർക്ക് ലോഡ് മാനേജ്മന്റ്' പ്രോഗ്രാമിൽ പങ്കെടുത്ത ശേഷം താരം മടങ്ങിയിരുന്നു.
കൊൽക്കത്ത നൈറ്റ് റൈഡേഴ്സിനെതിരായ മത്സരത്തിൽ താരം കളത്തിലിറങ്ങിയേക്കുമെന്നാണ് മാനേജ്മെന്റ് നൽകിയ സൂചന. എന്നാൽ ഇതുവരെ ബുംറ മുംബൈ ഇന്ത്യൻസ് ക്യാമ്പിൽ എത്തിയിട്ടില്ല. ഇതോടെ നാളത്തെ മത്സരത്തിൽ ബുംറ ഉണ്ടാകില്ലെന്നാണ് റിപ്പോർട്ടുകൾ.
ടി20 വേൾഡ് കപ്പ് കഴിഞ്ഞ ശേഷം മിച്ചല് സാന്റ്നര് ദക്ഷിണാഫ്രിക്കക്കെതിരായ പരമ്പരയ്ക്കായി നാട്ടിലേക്ക് മടങ്ങിയിരുന്നു. മത്സരങ്ങളിൽ പങ്കെടുത്ത താരം മികച്ച പ്രകടനവും കാഴ്ചവെച്ചിരുന്നു. എന്നാൽ സാന്റ്നർ ഇതുവരെ ഇന്ത്യയിലേക്ക് തിരിച്ചെത്തിയിട്ടില്ല.
ടി20 ലോകകപ്പിലെ സെമിഫൈനൽ മത്സരത്തിലെ തോൽവിയ്ക്ക് ശേഷം നാട്ടിലേക്ക് മടങ്ങിയ ഇംഗ്ലണ്ട് താരം വിൽ ജാക്ക്സിന്റെ കാര്യത്തിലും വ്യക്തത വരുത്താൻ മുംബൈ മാനേജ്മെന്റ് തയ്യാറായിട്ടില്ല.
Content Highlights:ipl-2026-mi-vs-kkr-jasprit-bumrah-available-will-jacks-mitchell-santner-missing-first-match
