Get the latest news at
your fingertips!
Download our app now
LIVE TV
Search
ഓസ്‌ട്രേലിയക്കെതിരായ മൂന്നാം ഏകദിന മത്സരത്തിൽ തകർപ്പൻ സെഞ്ച്വറിയോടെ രോഹിത് ശർമ സോഷ്യൽ മീഡിയയിലും ഹിറ്റ്. 45 നമ്പർ ജഴ്‌സിയിൽ ഇന്ത്യക്ക് വേണ്ടി കളിക്കുന്ന 38 കാരൻ ഇൻസ്റ്റാഗ്രാമിൽ 45 മില്യൺ ഫോളോവേഴ്സ് പിന്നിട്ടു.
സിഡ്നിയിൽ നടന്ന മത്സരത്തിൽ സെഞ്ച്വറി നേടിയ രോഹിത്തും അർധ സെഞ്ച്വറി നേടിയ കോഹ്‌ലിയുമാണ് ഇന്ത്യയ്ക്ക് ഒൻപത് വിക്കറ്റിന്റെ വിജയം സമ്മാനിച്ചത്. 25 പന്തില്‍ നിന്ന് പുറത്താവാതെ 121 റണ്‍സ് അടിച്ചെടുത്ത രോഹിത്താണ് പ്ലെയര്‍ ഓഫ് ദ സീരീസായും സിഡ്‌നി ഏകദിനത്തിലെ താരവുമായി തിരഞ്ഞെടുക്കപ്പെട്ടത്. മൂന്ന് സിക്‌സും 13 ഫോറും ഉള്‍പ്പെടുന്നതായിരുന്നു രോഹിത്തിന്റെ ഇന്നിങ്സ്.
മത്സരശേഷം രോഹിത് ശർമയുട വാക്കുകൾ ചർച്ചയായിരുന്നു. ഓസ്‌ട്രേലിയയില്‍ മികച്ച പ്രകടനം നടത്താന്‍ സാധിച്ചതില്‍ ആരാധകരോട് രോഹിത് നന്ദി പറഞ്ഞു. ഇനി ഓസ്‌ട്രേലിയയില്‍ ഒരു പരമ്പര കളിക്കാന്‍ സാധിക്കുമോ എന്ന് അറിയില്ലെന്ന് രോഹിത്തും പറഞ്ഞു. ഓസീസ് മണ്ണിൽ രോഹിത്തിന്റെ അവസാന മത്സരമായിരിക്കും ഇതെന്ന സാധ്യതയെ ഊട്ടിയുറപ്പിക്കുന്നതായിരുന്നു വാക്കുകൾ.
ഏതായാലും നീണ്ട കാലത്തിന് ശേഷം ഇന്ത്യൻ ജഴ്‌സിയിലെത്തി മിന്നും പ്രകടനം കാഴ്ച വെച്ച രോഹിത്തിനെ ആഘോഷിക്കുകയാണ് ആരാധകരും സോഷ്യൽ മീഡിയയും.
Content Highlights: rohit sharma followers 45 million , indian cricket
