Get the latest news at
your fingertips!
Download our app now
LIVE TV
Search
വളരെ ഹൃദയഭേദകമായ നിമിഷങ്ങള്‍ക്കാണ് കഴിഞ്ഞ ദിവസം നടന്ന അഫ്ഗാനിസ്ഥാന്‍- ശ്രീലങ്ക മത്സരം സാക്ഷ്യം വഹിച്ചത്. അഫ്ഗാനെതിരായ നിര്‍ണായക മത്സരത്തില്‍ ലങ്കന്‍ ബോളര്‍ ദുനിത് വെല്ലാലഗെ പന്തെറിഞ്ഞത് സ്വന്തം പിതാവ് മരിച്ച വിവരം അറിയാതെയാണ്. ആദ്യം ബാറ്റുചെയ്ത അഫ്ഗാനെതിരെ നാലോവര്‍ എറിഞ്ഞ വെല്ലാവഗെ 49 റണ്‍സ് വിട്ടുകൊടുത്ത് ഒരു വിക്കറ്റ് വീഴ്ത്തിയിരുന്നു.
വെല്ലാലഗെയെ അഫ്ഗാന്‍ ഓള്‍റൗണ്ടര്‍ ഒരോവറില്‍ തുടര്‍ച്ചയായ അഞ്ച് സിക്‌സര്‍ അടക്കം 32 റണ്‍സ് നേടിയതും വാര്‍ത്തയായിരുന്നു. മത്സരത്തില്‍ ശ്രീലങ്ക ആറ് വിക്കറ്റിന്റെ വിജയം സ്വന്തമാക്കിയതിന് ശേഷമാണ് പരിശീലകന്‍ സനത് ജയസൂര്യയും ടീം മാനേജ്‌മെന്റും 22കാരനായ വെല്ലാലഗെയോട് സങ്കടകരമായ വാര്‍ത്ത പങ്കുവെച്ചത്.
𝐇𝐞𝐚𝐫𝐭𝐛𝐫𝐞𝐚𝐤 𝐟𝐨𝐫 𝐃𝐮𝐧𝐢𝐭𝐡 𝐖𝐞𝐥𝐥𝐚𝐥𝐚𝐠𝐞💔
— CricInformer (@CricInformer) September 19, 2025
Life paused for Dunith as he received the heartbreaking news—his father, Suranga Wellalage, passed away in Colombo due to a suspected heart attack.
May his soul rest in peace. Our thoughts and prayers are with Dunith… pic.twitter.com/jCBNju6Q50
ഏഷ്യാ കപ്പില്‍ അഫ്ഗാന്‍-ശ്രീലങ്ക മത്സരത്തിനിടെയാണ് ദുനിത് വെല്ലാലഗെയുടെ പിതാവ് സുരംഗ വെല്ലാലഗെ മരിക്കുന്നത്. ഹൃദയാഘാതം കാരണമാണ് മരണമെന്നാണ് റിപ്പോര്‍ട്ടുകള്‍. മത്സരത്തിന് ശേഷമുള്ള സമ്മാനദാനച്ചടങ്ങുകള്‍ക്ക് ശേഷമാണ് കോച്ചില്‍ നിന്ന് വെല്ലാലഗെ വിവരമറിയുന്നത്. സനത് ജയസൂര്യ വെല്ലാലഗെയുടെ തോളില്‍ കൈ വെച്ച് ആശ്വസിപ്പിക്കുന്ന ഒരു വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്.
The moment when Sri Lanka’s coach Sanath Jayasuriya and Team manager informed Dunith Wellallage about the demise of his father right after the match. Dunith’s father passed away due to a sudden heart attack. He was 54.🥲
— Nibraz Ramzan (@nibraz88cricket) September 18, 2025
video credits- Dhanushka pic.twitter.com/P01nFFWlVW
വിവരമറിഞ്ഞയുടന്‍ വെല്ലാലഗെ കുടുംബത്തോടൊപ്പം ചേരാന്‍ കൊളംബോയിലേക്ക് തിരിക്കുകയായിരുന്നു. ഇതോടെ ടൂര്‍ണമെന്റില്‍ ശ്രീലങ്കയുടെ ബാക്കി മത്സരങ്ങളില്‍ വെല്ലാലഗെ കളിക്കുന്ന കാര്യം അനിശ്ചിതത്വത്തിലായി. മത്സരത്തിലെ വിജയത്തോടെ സൂപ്പര്‍ ഫോറിലേക്ക് കടന്നിരിക്കുകയാണ് ശ്രീലങ്ക. നാളെ ബംഗ്ലാദേശിനെതിരെയും 23ന് പാകിസ്താനെതിരെയും 26ന് ഇന്ത്യയ്‌ക്കെതിരെയുമാണ് ശ്രീലങ്കയുടെ സൂപ്പര്‍ ഫോര്‍ മത്സരങ്ങള്‍.
Content Highlights: Sri Lanka cricketer Dunith Wellalage learns of father's death after Asia Cup match against Afghanistan
