Get the latest news at
your fingertips!
Download our app now
LIVE TV
Search
നാഗ് അശ്വിന്റെ സംവിധാനത്തിൽ പ്രഭാസ് നായകനായി ഒരുങ്ങുന്ന ബ്രഹ്മാണ്ഡ സയൻസ് ഫിക്ഷൻ ചിത്രം 'കൽക്കി 2898 എ ഡി'യുടെ ഭാഗമാകാൻ മലായളി താരം അന്ന ബെൻ. അന്നയുടെ ആദ്യ തെലുങ്ക് ചിത്രമാണ് കൽക്കി. സിനിമയെ കുറിച്ച്, 'ഒരു സ്വപ്നതുല്യമായ തുടക്കം' എന്നാണ് അന്ന പറയുന്നത്. ഇ ടൈംസിന് നൽകിയ അഭിമുഖത്തിൽ കൽക്കിയെ കുറിച്ചും തന്റെ കഥാപാത്രത്തെ കുറിച്ചും പറയുകയാണ് അന്ന ബെൻ.
'കൽക്കിയിലെ ഒരു കഥാപാത്രത്തെ ഞാൻ തന്നെ അവതരിപ്പിക്കണമെന്ന് താല്പര്യം പ്രകടിപ്പിച്ചുകൊണ്ടാണ് സംവിധായകൻ നാഗ് വിളിക്കുന്നത്. അദ്ദേഹത്തിന് ഈ കഥാപാത്രം ഇഷ്ടപ്പെട്ടുവെന്നും ആ വേഷം എനിക്ക് അനുയോജ്യമാണെന്ന് വിശ്വസിക്കുന്നുണ്ടെന്നും നാഗ് പറഞ്ഞു. കഥാപാത്രത്തെ കുറിച്ച് കേട്ടപ്പോൾ ഞാനും ത്രില്ലിലായി, കൽക്കിയുടെ ഭാഗമയാതിന്റെ ആവേശത്തിലാണ് ഞാൻ', അന്ന പറഞ്ഞു.
ഫെബ്രുവരി മാസം പോക്കറ്റ് കാലിയാകുമോ?; അണിയറയിൽ വമ്പൻ റിലീസുകൾ ഒരുങ്ങുന്നുഎന്റെ കരിയറിൽ ഞാൻ ഇതുവരെ ചെയ്യാത്ത ഒരു വിഭാഗമാണ് സയൻസ്-ഫിക്ഷനും ആക്ഷനും. ഇന്ത്യൻ സിനിമയിലെ ഒരു പിടി മികച്ച കലാകാരന്മാരോടൊപ്പം പ്രവർത്തിക്കാൻ സാധിക്കുന്നതിൽ ആവേശത്തിലാണ് ഞാൻ. മാത്രമല്ല കൽക്കിയിലെ എന്റെ കഥാപാത്രം പ്രേക്ഷകരിൽ ഒരു ഇംപ്രഷൻ ഉണ്ടാക്കിയെടുക്കാൻ സാധിക്കുമെന്നും ആ കഥാപാത്രം സിനിമ കഴിഞ്ഞാലും എല്ലാവരുടെയും ഉള്ളിൽ എക്കാലവും നിലനിൽക്കുമെന്നും എനിക്ക് ഉറപ്പുണ്ട്. ഇങ്ങനൊരു കഥാപാത്രം ഇതിന് മുൻപ് ഞാൻ ചെയ്തിട്ടില്ല. ചെറുതെങ്കിലും മികച്ചതും സ്വാധീനിക്കാൻ കഴിയുന്നതുമായ റോളാണിത്. ഹൈദരാബാദിൽ വെച്ച് എന്റെ ഭാഗം പൂത്തിയാക്കി കഴിഞ്ഞു, അന്ന ബെൻ വ്യക്തമാക്കി.
