LIVE TV
ഇക്കാലത്ത് എല്ലാവരും വാഹനമുള്ളവരാണ്. വാഹനമോടിക്കുമ്പോള് ഒരു അനിഷ്ട സംഭവത്തിന് എപ്പോഴും സാധ്യതയുണ്ട്. ചിലപ്പോള് അപക
ടമോ കേടുപാടോ സംഭവിച്ചേക്കാം. എന്നാല് ഇന്ഷുറന്സ് ഉള്ളതിന്റെ ആശ്വാസം ലഭിക്കുന്നത് സഹായകരമാണ്. എന്നാല് ഒരാളുടെ ലൈസന്സ് കാലഹരണപ്പെട്ടതാണെങ്കില് അയാള്ക്ക് ഇന്ഷുറന്സ് ക്ലെയിം ലഭിക്കുമോ?
ഡ്രൈവിംഗ് ലൈസന്സ് കാലഹരണപ്പെട്ടതോ സാധുതയില്ലാത്തതോ ആണെങ്കില്, അത് ഇന്ഷുറന്സ് പോളിസിയുടെ നിബന്ധനകളുടെ ലംഘനമാണെന്ന് ജസ്റ്റിസുമാരായ സഞ്ജയ് കരോള്, എന്. കോടിശ്വര് സിംഗ് എന്നിവരടങ്ങിയ ബെഞ്ച് പ്രസ്താവിച്ചു. കഴിഞ്ഞ ദിവസം ഒരു കേസുമായി ബന്ധപ്പെട്ടുണ്ടായ വിധിലാണ് ഇക്കാര്യത്തെക്കുറിച്ച് അവര് പറഞ്ഞത്. അത്തരമൊരു സാഹചര്യത്തില് നഷ്ടപരിഹാരം നല്കുന്നതിന് ഇന്ഷുറന്സ് കമ്പനി ഉത്തരവാദിയായിരിക്കില്ല. ആദ്യം തുക നല്കുകയും പിന്നീട് വാഹന ഉടമയില് നിന്നും ഡ്രൈവറില് നിന്നും അത് തിരിച്ചുപിടിക്കുകയും ചെയ്യാം.
അപകടമുണ്ടാക്കിയ വാഹനത്തിന്റെ ഡ്രൈവറുടെ ലൈസന്സ് സാധുവല്ലെങ്കില് നഷ്ടപരിഹാരം നല്കാന് ഇന്ഷുറന്സ് കമ്പനിക്ക് ബാധ്യതയില്ലെന്ന് സുപ്രീംകോടതി പറഞ്ഞു.
ഇരയ്ക്ക് നഷ്ടപരിഹാരം ലഭിക്കുമോ എന്ന ചോദ്യത്തിന് കോടതി പറഞ്ഞത് ഇരയ്ക്ക് നഷ്ടപരിഹാരം ലഭിക്കുമെന്നാണ്. ഇതിനായി കോടതി 'പേ ആന്ഡ് റിക്കവര്' സംവിധാനം നടപ്പിലാക്കിയിട്ടുണ്ട്. ഇതിനര്ത്ഥം ഇന്ഷുറന്സ് കമ്പനി ആദ്യം ഇരയ്ക്കോ അവരുടെ കുടുംബത്തിനോ നഷ്ടപരിഹാര തുക നല്കും എന്നാണ്. തുടര്ന്ന് ഇന്ഷുറന്സ് നിബന്ധനകള് ലംഘിച്ച വാഹന ഉടമയില് നിന്നും ഡ്രൈവറില് നിന്നും തുക തിരിച്ചുപിടിക്കും. ഇന്ഷുറന്സ് കമ്പനിയും വാഹന ഉടമയും തമ്മിലുള്ള തര്ക്കം കാരണം ഇരയുടെ കുടുംബം നഷ്ടപരിഹാരത്തിനായി ദീര്ഘനേരം കാത്തിരിക്കേണ്ടിവരുന്നത് തടയുക എന്നതാണ് ഈ സംവിധാനത്തിന്റെ ലക്ഷ്യം.
2009-ല് പഞ്ചാബില് ഒരു വാഹനം ഇരുചക്രവാഹനവുമായി ഇടിച്ചുണ്ടായ ഒരു അപകടത്തിലാണ് സുപ്രീം കോടതി ഈ വിധി പുറപ്പെടുവിച്ചത്. ഓംപ്രകാശ് എന്നയാള് ഓടിച്ച മോട്ടോര് സൈക്കിള് മറ്റൊരു ഇരുചക്രവാഹനത്തിലിടിച്ചു. അതില് മരിച്ചയാളുടെ കുടുംബത്തിന് 1.08 കോടി രൂപ ഇന്ഷുറന്സ് കമ്പനി നഷ്ടപരിഹാരം നല്കാന് കോടതി വിധിച്ചു. ഇതിനെതിരെ ഇന്ഷുറന്സ് കമ്പനി സുപ്രീം കോടതിയില് എത്തുകയായിരുന്നു. അപകടമുണ്ടായ സമയത്ത് ഓം പ്രകാശിന് ലൈസന്സ് ഇല്ലായിരുന്നുവെന്ന് കമ്പനി വാദിച്ചു.അതിന് മുന്പും ശേഷവും സാധുവായ ലൈസന്സ് ഉണ്ടായിരുന്നു.
എന്നാല് 2007 നും 2010നും ഇടയില് ഓം പ്രകാശ് ലൈസന്സ് പുതുക്കിയിരുന്നില്ല. ഇക്കാരണത്താല് ഇന്ഷുറന്സ് കമ്പനിക്ക് ബാധ്യതയില്ലെന്ന് സുപ്രീം കോടതി വിധിച്ചു. നഷ്ടപരിഹാര തുക ഓം പ്രകാശും മോട്ടോര്സൈക്കിളിന്റെ ഉടമയുമായ രജിന്ദര്സിങ്ങും നല്കണം. കൃത്യമായി ലൈസന്സ് പുതുക്കിയിരുന്നെങ്കില് ഇത്രവലിയ ബാധ്യത അവര്ക്ക് ഏറ്റെടുക്കേണ്ടി വരില്ലെന്ന് നിരീക്ഷിച്ചുകൊണ്ട് ഇക്കാര്യത്തെക്കുറിച്ച് ബോധവത്കരണം നടത്താന് കോടതി ആവശ്യപ്പെട്ടിട്ടുണ്ട്.
Content Highlights :Can an insurance claim be made if the driving license has expired?
