Top

'സ്വാതന്ത്ര്യ സമരത്തില്‍ സവര്‍ക്കറുടെ സംഭാവന രാജ്യം വിസ്മരിച്ചു'; താന്‍ ഗാന്ധിവാദിയല്ലെന്ന് കങ്കണ

സമരം കൊണ്ടോ ദണ്ഡിമാര്‍ച്ച് കൊണ്ടോ മാത്രമല്ല ഇന്ത്യക്ക് സ്വാതന്ത്ര്യം ലഭിച്ചത്. സ്വാതന്ത്ര്യ സമരത്തിന്റെ ഒരു ഭാഗം മാത്രമാണ് നാം ഉയര്‍ത്തിക്കാട്ടുന്നത്

11 Sep 2022 2:18 PM GMT
റിപ്പോർട്ടർ നെറ്റ്‌വർക്ക്

സ്വാതന്ത്ര്യ സമരത്തില്‍ സവര്‍ക്കറുടെ സംഭാവന രാജ്യം വിസ്മരിച്ചു; താന്‍ ഗാന്ധിവാദിയല്ലെന്ന് കങ്കണ
X

ന്യൂഡല്‍ഹി: താന്‍ ഗാന്ധിവാദിയല്ല സുഭാഷ് ചന്ദ്ര ബോസ് വാദിയാണെന്ന് ബോളിവുഡ് താരം കങ്കണ റണൗത്ത്. വി ഡി സവര്‍ക്കറും സുഭാഷ് ചന്ദ്ര ബോസും സ്വാതന്ത്ര്യ സമരത്തിന് നല്‍കിയ സംഭാവനകള്‍ രാജ്യം വിസ്മരിച്ചു. ഇത് കേള്‍ക്കുമ്പോള്‍ ചിലര്‍ക്ക് പ്രശ്‌നമുണ്ടായേക്കാം എന്നാല്‍ ഓരോരുത്തര്‍ക്കും അവരുടേതായ അഭിപ്രായമുണ്ടാകുമെന്നും കങ്കണ പറഞ്ഞു.

സമരം കൊണ്ടോ ദണ്ഡിമാര്‍ച്ച് കൊണ്ടോ മാത്രമല്ല ഇന്ത്യക്ക് സ്വാതന്ത്ര്യം ലഭിച്ചത്. സ്വാതന്ത്ര്യ സമരത്തിന്റെ ഒരു ഭാഗം മാത്രമാണ് നാം ഉയര്‍ത്തിക്കാട്ടുന്നത്. ഇത് ശരിയല്ലെന്നും കങ്കണ പറഞ്ഞു. ഡല്‍ഹിയില്‍ രാജ്പഥിന്റെ പേര് കര്‍ത്തവ്യപഥ് എന്ന് പുനഃനാമകരണം ചെയ്യുന്ന ചടങ്ങിനിടെയായിരുന്നു കങ്കണയുടെ പ്രതികരണം.

'രണ്ടാം ലോക മഹായുദ്ധത്തില്‍ പങ്കെടുക്കുകയും സ്വന്തം സൈന്യത്തെയുണ്ടാക്കുകയും ചെയ്തയാളാണ് നേതാജി. അദ്ദേഹം ലോകം മുഴുവന്‍ സംസാരിച്ച് ഇന്ത്യയിലെ അപകടകരമായ സാഹചര്യത്തെക്കുറിച്ച് സംസാരിച്ചു. ഇത് ബ്രിട്ടീഷുകാര്‍ക്ക് വന്‍ സമ്മര്‍ദമുണ്ടാക്കി. അവര്‍ക്ക് തോന്നിയവര്‍ക്കാണ് അധികാരം കൈമാറിയത്. നേതാജിക്ക് അധികാരത്തിനോട് ആര്‍ത്തിയില്ലായിരുന്നു. രാജ്യത്തിന്റെ സ്വാതന്ത്ര്യത്തിനോടായിരുന്നു അദ്ദേഹത്തിന്റെ ആര്‍ത്തി. അതിനായി പ്രവര്‍ത്തിക്കുകയും നേടിയെടുക്കയും ചെയ്തു'. കങ്കണ പറഞ്ഞു.

Story highlights: 'Country Forgotten Savarkar's Contribution in Freedom Struggle'; Kangana says she is not a Gandhian

Next Story