Get the latest news at
your fingertips!
Download our app now
LIVE TV
Search
കഴിഞ്ഞയാഴ്ച ഓഹരി വിപണിയില്‍ പത്തു മുന്‍നിര കമ്പനികളില്‍ ആറെണ്ണത്തിന്റെ വിപണി മൂല്യത്തില്‍ ഇടിവ്. 70,325 കോടിയുടെ നഷ്ടമാണ് രേഖപ്പെടുത്തിയത്. വെള്ളിയാഴ്ചയോടെ സെന്‍സെക്സ് 626 പോയിന്റ് താഴ്ന്നു. പ്രധാനമായും നഷ്ടം നേരിട്ടത് എച്ച്ഡിഎഫ്സി ബാങ്ക്, ഐസിഐസിഐ ബാങ്ക് ഓഹരികളാണ്. കൂടാതെ ടിസിഎസ്, ഭാരതി എയര്‍ടെല്‍, എല്‍ഐസി, ബജാജ് ഫിനാന്‍സ് എന്നിവയുടെ വിപണിയും നഷ്ടത്തിലായിരുന്നു.
എച്ച്ഡിഎഫ്സി ബാങ്കിന്റെ വിപണി മൂല്യത്തില്‍ 19,284 കോടിയുടെ നഷ്ടമാണ് രേഖപ്പെടുത്തിയത്. 15,25,339 കോടിയായാണ് എച്ച്ഡിഎഫ്സി ബാങ്കിന്റെ വിപണി മൂല്യം താഴ്ന്നത്. ഐസിഐസിഐ ബാങ്ക് 13,566 കോടി, ബജാജ് ഫിനാന്‍സ് 13,236 കോടി, എല്‍ഐസി 10,246 കോടി, ടിസിഎസ് 8,032 കോടി എന്നിങ്ങനെയാണ് മറ്റു കമ്പനികളുടെ വിപണി മൂല്യത്തില്‍ ഉണ്ടായ നഷ്ടം.
അതേസമയം റിലയന്‍സ് ഇന്‍ഡസ്ട്രീസ്, എസ്ബിഐ, ഇന്‍ഫോസിസ്, ഹിന്ദുസ്ഥാന്‍ യൂണിലിവര്‍ ഓഹരികള്‍ നേട്ടം രേഖപ്പെടുത്തി. റിലയന്‍സിന്റെ വിപണി മൂല്യത്തില്‍ ഒരാഴ്ച കൊണ്ട് 15,359 കോടിയുടെ വര്‍ധന ഉണ്ടായി. ഇന്‍ഫോസിസിന് ഉണ്ടായ നേട്ടം 13,127 കോടിയാണ്. മുന്‍നിര കമ്പനികളില്‍ റിലയന്‍സ് തന്നെയാണ് ഏറ്റവുമധികം വിപണി മൂല്യമാണ് കമ്പനി.
Content highlights: The market value of six leading companies fell last week
