Get the latest news at
your fingertips!
Download our app now
LIVE TV
Search
സംസ്ഥാനത്തെ സ്വര്ണവില ചരിത്രത്തിലെ ഏറ്റവും ഉയര്ന്ന നിരക്കില്. കഴിഞ്ഞ രണ്ട് ദിവസമായി കുറഞ്ഞുനിന്ന വില ഇന്ന് കുത്തനെ വര്ധിച്ചിരിക്കുകയാണ്. രണ്ട് ദിവസമായി വില കുറയുമെന്ന പ്രതീക്ഷയിലായിരുന്നു ജ്വലറി ഉടമകളും ഒപ്പം സ്വര്ണം വാങ്ങാന് ആഗ്രഹിക്കുന്നവരും. എന്നാല് ആ പ്രതീക്ഷകളെയൊക്കെ കാറ്റില് പറത്തിക്കൊണ്ടാണ് ഇന്ന് വില വര്ധിച്ചത്. ആഗോളവിപണിയില് സ്വര്ണവില കുതിക്കുന്നതിനൊപ്പം തന്നെയാണ് ആഭ്യന്തര വിപണിയിലേയും വിലക്കയറ്റം. ആഗോള വിപണിയില് ഇന്ന് ഔണ്സിന് 5,220 രൂപയാണ്. ഗ്രീന്ലാന്ഡിനെച്ചൊല്ലി യുഎസും നാറ്റോയും തമ്മിലുളള പുതിയ സംഘര്ഷങ്ങള്ക്കിടയിലാണ് സ്വര്ണവിലയിലെ മുന്നേറ്റം.
ഇന്ന് കേരളത്തില് ഒരു പവന് സ്വര്ണത്തിന് 1,21,120 രൂപയാണ് വില. ഒരു ഗ്രാമിന് ചരിത്രത്തിലാദ്യമായി 15000 കടന്ന ദിവസവും കൂടിയാണ് ഇന്ന്. 15,140 രൂപയാണ് ഒരു ഗ്രാം സ്വര്ണത്തിന്റെ ഇന്നത്തെ വിപണിവില. ഇന്നലെ 14845 രൂപയായിരുന്നു. ഇന്ന് മാത്രം ഗ്രാമിന് 295 രൂപയാണ് വര്ധിച്ചിരിക്കുന്നത്. പവന് വര്ധിച്ചത് 2360 രൂപയാണ്. 18 ഗ്രാം സ്വര്ണത്തിന് ഒരു ഗ്രാമിന് 12,435 രൂപയും ഒരു പവന് 99,480 രൂപയുമാണ് ഇന്നത്തെ വില. ഗ്രാമിന് 240 രൂപയാണ് ഇന്ന് വര്ധിച്ചത്. വെളളിവിലയിലും ഇന്ന് വര്ധനവാണുള്ളത്. ഇന്നലെ ഒരു ഗ്രാമിന്370 രൂപയും 10 ഗ്രാമിന് 3,700 രൂപയുമായിരുന്ന വെള്ളിവില ഇന്ന ഒരു ഗ്രാമിന് 380 രൂപയും 10 ഗ്രാമിന് 3,800 രൂപയുമായി കൂടിയിട്ടുണ്ട്.
ജനുവരി 1 - 99,040
ജനുവരി 2 - 99,880
ജനുവരി 3 - 99,600
ജനുവരി 4 - 99,600
ജനുവരി 5 - 1,01,360
ജനുവരി 6 - 1,01,800
ജനുവരി 7 - 1,01,400
ജനുവരി 8 - 1,01,200
ജനുവരി 9 - 1,02,160
ജനുവരി 10 - 1,03,000
ജനുവരി 11 - 1,03,000
ജനുവരി 12 - 1,04,240
ജനുവരി 13 - 1,04,520
ജനുവരി 14 - 1,05,600
ജനുവരി 15 - 1,05,000
ജനുവരി 16 - 1,05,160
ജനുവരി 17 - 1,05,440
ജനുവരി 18 - 1,05,440
ജനുവരി 19 - 1,07,240
ജനുവരി 20 - 1,09,840
ജനുവരി 21 - 1,14,840
ജനുവരി 22 - 1,13,160
ജനുവരി 23 - 1,15,240
ജനുവരി 24- 1,16,320
ജനുവരി 26 - 1,19,320
ജനുവരി 27 - 1,19,320
പുതുവര്ഷം ആരംഭിച്ചപ്പോള് മുതല് സ്വര്ണവിലയില് സമാനതകളില്ലാത്ത വിധത്തിലുള്ള വര്ധനവാണ് ഉണ്ടായിട്ടുള്ളത്. ഡോളറിന്റെ മൂല്യം കുറയുന്നത് സ്വര്ണവില വര്ധിക്കാനുളള കാരണമായിട്ടുണ്ട്.
Content Highlights :Gold prices in Kerala hit all-time high today, January 28. Crosses Rs 5000 per gram
