പി ജയരാജന് 35 ലക്ഷം രൂപയുടെ ബുളളറ്റ് പ്രൂഫ്‌ കാർ; സർക്കാർ അനുമതി

തിരുവനന്തപുരം: ഖാദി ബോർഡ് ചെയർമാനും സിപിഐഎം നേതാവുമായ പി ജയരാജന് ബുളളറ്റ് പ്രൂഫ്‌ കാർ വാങ്ങാൻ സർക്കാർ അനുമതി. 35 ലക്ഷം രൂപയുടെ ബുളളറ്റ് പ്രൂഫ്‌ കാർ ആണ് ജയരാജനായി വാങ്ങുന്നത്. പി ജയരാജന്റെ ശാരീരിക അവസ്ഥ പരി​ഗണിച്ചാണ് കാർ വാങ്ങാൻ അനുമതി നൽകിയതെന്ന് സർക്കാർ വ്യക്തമാക്കി. പുതിയ വാഹനങ്ങൾ വാങ്ങരുതെന്ന് ചീഫ് സെക്രട്ടറി നവംബർ 4 ന് ഉത്തരവിറക്കിയതിന് പിന്നാലെയാണ് പുതിയ ഉത്തരവ്

ഇത് സംബന്ധിച്ച് വ്യവസായ വകുപ്പ് ഈ മാസം 17ന് ഉത്തരവിറക്കി. സാമ്പത്തിക പ്രതിസന്ധി മൂലമാണ് പുതിയ വാഹനങ്ങൾ വാങ്ങരുതെന്ന് ചീഫ് സെക്രട്ടറി ഉത്തരവിട്ടത്. പുതിയ വാഹനങ്ങൾ വാങ്ങരുത് എന്നതുൾപ്പെടെ നവംബർ 9 ന് ധനവകുപ്പ് ഒരു വർഷത്തേക്ക് കൂടി സാമ്പത്തിക നിയന്ത്രണങ്ങൾ നീട്ടി ഉത്തരവിറക്കുകയും ചെയ്തിരുന്നു.

STORY HIGHLIGHTS: Govt gave permission to buy Bulletproof car for P Jayarajan