Get the latest news at
your fingertips!
Download our app now
LIVE TV
Search
തിരുവനന്തപുരം: സിപിഐഎം 24-ാം പാര്ട്ടി കോണ്ഗ്രസ് ഏപ്രില് ആദ്യം തമിഴ്നാട്ടിലെ മധുരയില് നടക്കും. സംസ്ഥാന സമ്മേളനം ഫെബ്രുവരിയില് കൊല്ലത്ത് വെച്ചുനടക്കും. സിപിഐഎം സംസ്ഥാന സെക്രട്ടറി എം വി ഗോവിന്ദനാണ് ഇക്കാര്യം അറിയിച്ചത്. ബ്രാഞ്ച്, ലോക്കല് സമ്മേളനങ്ങള് സെപ്റ്റംബര്, ഒക്ടോബര് മാസത്തിലും ഏരിയ സമ്മേളനം നവംബറിലും നടക്കും. ജില്ലാ സമ്മേളനം ഡിസംബര്, ജനുവരി മാസത്തിലും നടക്കും.
വയനാട് ദുരന്തത്തിന്റെ പശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയിലേക്ക് സിപിഐഎം സംസ്ഥാന കമ്മിറ്റി 25 ലക്ഷം രൂപ നല്കിയതായും എം വി ഗോവിന്ദന് പറഞ്ഞു. പാര്ട്ടി ഫണ്ട് പിരിക്കുന്നില്ലെന്നും മുഖ്യമന്ത്രിയുടെ ദുരിതാശ്വാസ നിധിയിലേക്ക് നേരിട്ട് പണം കൈമാറാനാണ് ആഹ്വാനം ചെയ്യുന്നതെന്നും ഗോവിന്ദന് പറഞ്ഞു. മറ്റ് സംസ്ഥാനത്തെ പാർട്ടി ഘടകങ്ങളും വയനാടിന് വേണ്ടി കൈകോർക്കുമെന്നും പല സംസ്ഥാനങ്ങളിലെ നേതാക്കളും ഇതിനകം തന്നെ സഹായ സന്നദ്ധത അറിയിച്ചെന്നും എംവി ഗോവിന്ദൻ പറഞ്ഞു.
മുണ്ടക്കെെ ദുരന്തം: അമിത് ഷായുടേത് തെറ്റായ സമീപനം, അത് ആരെയും സഹായിക്കില്ല; എം വി ഗോവിന്ദന്
