LIVE TV
യുഎഇ, കുവൈറ്റ്, സൗദി അറേബ്യ, ഓസ്ട്രേലിയ, സിംഗപ്പൂർ എന്നീ അഞ്ച് വിദേശ രാജ്യങ്ങളിൽ ഇന്ത്യൻ പാസ്പോർട്ട്, വിസ സേവന കേന്ദ്രങ്ങൾ നടത്തുന്നതിനായി കേന്ദ്ര വിദേശകാര്യ മന്ത്രാലയം പുതിയ ആഗോള ടെൻഡറുകൾ ക്ഷണിച്ചു. മൂന്നു മാസത്തിനകം പുതിയ ടെൻഡർ നടപടികൾ ആരംഭിക്കണമെന്ന് സുപ്രീം കോടതി ഉത്തരവിട്ടതിന് പിന്നാലെയാണ് വിദേശകാര്യ മന്ത്രാലയത്തിന്റെ ഈ ദ്രുതഗതിയിലുള്ള നീക്കം.
പ്രവാസി ഇന്ത്യക്കാർക്ക് ഏറെ നിർണ്ണായകമായ ഈ സേവന കേന്ദ്രങ്ങളുടെ കരാറിനായി യോഗ്യരായ സ്ഥാപനങ്ങൾക്ക് ഒക്ടോബർ 26 വരെ അപേക്ഷകൾ സമർപ്പിക്കാവുന്നതാണ്. ലഭിക്കുന്ന അപേക്ഷകൾ പരിശോധിച്ച ശേഷം ആവശ്യമായ നടപടിക്രമങ്ങൾ പൂർത്തിയാക്കി നവംബർ 27-ന് തിരഞ്ഞെടുക്കപ്പെടുന്ന പുതിയ സ്ഥാപനത്തിന് സേവനത്തിനുള്ള കരാർ ഔദ്യോഗികമായി നൽകുമെന്നും അധികൃതർ അറിയിച്ചു.
അതേസമയം, നിലവിൽ ഈ രാജ്യങ്ങളിൽ പാസ്പോർട്ട്, വിസ കേന്ദ്രങ്ങൾ വിജയകരമായി നടത്തിവരുന്ന 'അൽ ഹിന്ദ്' (Al Hind Group) അടക്കമുള്ള പ്രമുഖ സ്ഥാപനങ്ങൾക്കും പുതിയ ടെൻഡർ നടപടികളിൽ പങ്കാളികളാകാൻ അപേക്ഷ സമർപ്പിക്കാവുന്നതാണ്. പ്രവാസികൾക്ക് കൂടുതൽ വേഗത്തിലും സുതാര്യമായും സേവനങ്ങൾ ലഭ്യമാക്കാനാണ് പുതിയ കരാറിലൂടെ സർക്കാരുകൾ ലക്ഷ്യമിടുന്നത്.
Content Highlights: Fresh tenders have been invited for Indian passport, visa and consular services in the UAE and other countries following the cancellation of the earlier tender process. The new arrangements aim to provide dedicated application centres for Indian citizens abroad.
