LIVE TV
യുഎഇയും ജോര്ദാനും തമ്മിലുള്ള സഹകരണം കൂടുതല് ശക്തമാക്കി പുതിയ കരാറില് ഒപ്പുവച്ചു. 2.3 ബില്യണ് ഡോളറിന്റെ വമ്പന് റെയില്വേ പദ്ധതി നടപ്പിലാക്കുന്നതിനുള്ള കരാറിലാണ് ഇരു രാജ്യങ്ങളും ഒപ്പുവച്ചത്. ജോര്ദാനിലെ ഖനന മേഖലയെ അഖാബ തുറമുഖവുമായി ബന്ധിപ്പിക്കുന്ന 360 കിലോമീറ്റര് നീളുന്ന റെയില്വെ ശൃംഖല നിര്മിക്കുന്നതാണ് പദ്ധതി.
യുഎഇ വൈസ് പ്രസിഡന്റ് ഷെയ്ഖ് മന്സൂര് ബിന് സായിദ് അല് നഹ്യാനും ജോര്ദാന് പ്രധാനമന്ത്രി ഡോ. ജാഫര് ഹസ്സനും തമ്മിലാണ് കരാരില് ഏര്പ്പെട്ടത്. പദ്ധതിയുടെ നിര്മ്മാണം, പ്രവര്ത്തനം, പരിപാലനം എന്നിവയ്ക്ക് മേല്നോട്ടം വഹിക്കുന്നതിനായി യുഎഇ-ജോര്ദാന് റെയില്വേ കമ്പനി എന്ന പേരില് പുതിയ സംയുക്ത സംരംഭം രൂപീകരിക്കും. യുഎഇയുടെ ദേശീയ റെയില്വേ വികസന ഏജന്സിയായ ഇത്തിഹാദ് റെയിലിന്റെ നേതൃത്വത്തിലാണ് പദ്ധതി നടപ്പിലാക്കുക.
Content Highlights: United Arab Emirates and Jordan have signed a new agreement to enhance bilateral cooperation across key sectors.
