LIVE TV
യുഎഇയിൽ വരും ദിവസങ്ങളിൽ പൊതുവെ തെളിഞ്ഞ അന്തരീക്ഷമായിരിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. രാത്രികാലങ്ങളിലും പുലർച്ചെയും അന്തരീക്ഷത്തിൽ ഈർപ്പം വർധിക്കാൻ സാധ്യതയുണ്ട്. ചില തീരദേശ-ഉൾനാടൻ പ്രദേശങ്ങളിൽ മഞ്ഞോ മഞ്ഞുപുകയോ അനുഭവപ്പെടാൻ സാധ്യതയുണ്ടെന്നും മുന്നറിയിപ്പിൽ പറയുന്നു.
കടലിൽ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്. പേർഷ്യൻ ഗൾഫിലും ഒമാൻ കടലിലും തിരമാലകൾ ശാന്തമായിരിക്കും. ആകാശം പൊതുവെ തെളിഞ്ഞതാണെങ്കിലും ഇടയ്ക്കിടെ ഭാഗികമായി മേഘാവൃതമാകാൻ സാധ്യതയുണ്ട്.
രാത്രികാലങ്ങളിൽ അന്തരീക്ഷത്തിലെ ഈർപ്പത്തിന്റെ അളവ് പലയിടങ്ങളിലും 90 ശതമാനം വരെ ഉയർന്നേക്കാം. ഇതിന്റെ ഫലമായി പുലർച്ചെ സമയങ്ങളിൽ ദൂരക്കാഴ്ച കുറയാൻ സാധ്യതയുണ്ട്. പ്രധാനമായും തീരപ്രദേശങ്ങളിലും ഉൾനാടുകളിലെ താഴ്ന്ന പ്രദേശങ്ങളിലുമാണ് മൂടൽമഞ്ഞ് ഉണ്ടാകാൻ കൂടുതൽ സാധ്യത.
കാറ്റിന്റെ വേഗത നേരിയതോ മിതമായതോ ആയി തുടരും. വടക്കുകിഴക്ക് ദിശയിൽ നിന്ന് വടക്കുപടിഞ്ഞാറൻ ദിശയിലേക്ക് കാറ്റ് മാറുവാൻ സാധ്യതയുണ്ട്. പരമാവധി വേഗത മണിക്കൂറിൽ 30 കിലോമീറ്റർ വരെയാകും.
Content Highlights: The UAE Meteorological Center warns of sunny weather in the coming days, with temperatures expected to be pleasant. Here's the forecast:
